Zohman mawhthluk hlah.

Zohman mawhthluk hlah.
Zohman sual puh hlah aw. Na bah nak cu nangmah thawn lawng a pehpar awk. Na tho sal le sal lo khal nangmah thawn lawng a pehpar aw. Zohman in an lo tho ter lo ding lo tho ter ding khal in tuanvo an nei lo. Caan khat caan hnih ah na duh lo mi na tul lo mi pawl na hnen an ra thlen thei vek in na duh mi na tul mi pawl khal nangmah thawn a hlat nak bik ah an thleng theu. Voikhat voi hnih ah riahsiat nak pawl kan hnen lawng ah a ra thlen tik ah zohman sual na puh thei lo. Hi mi cu leitlun dan asi. Ahnok nak ah thiangfai ten um awla a thim nak ah tleu ding ih um ding in nangmai tuanvo asi.
Thinbang halh na duhdawt mi pawl thawn hlat aw ih um hi nangmah lawng na si lo. Leitlun ah na tuah thei lo ding tin na ruah mi thil pawl kha na tih nak thinlung ruang ah an si. Na hrang ah that nak tuah sak dingin zohman in tuanvo an nei lo.
Nangmah ten tho sal thei ding in zuam aw. Kan tha pawl kawl in kan tho pei cu ka rual. Kan nun ram sung ah mitthli a tlak tam mi mit in khua an hmu fiang sawn. Nat nak a tuar mi thinlung kha a hak sawn asi. Kan nun hlun ih kan tlak siat nak pawl kha kan hmailam nun in that ter sawn asi.
Thlisia a cem dingin kan hngah mi cu nun nak si lo ih thlisia sung ah ziangtin kan nung ding ti mi kan zir mi kha nunram sawn asi. Thlihrang lak ah thaw kan thawt thei kha kan nung si lo ih thlisia sung ih nung ding ih thaw kan thawt mi kha nun ram sawn asi. Thlisia a cem le cu zilthli ti mi a ra thleng leh ko ding. Hi mi hi theih kohnak dingah kan run tar mi a si. Casiartu zate parah Pathian mal lo sawm hram seh.