238. Bawi pathum Pathian pakhat le ramsa pawl ih pehzom nak

innzaut_sumhnam

238. Bawi pathum Pathian pakhat le ramsa pawl ih pehzom nak

            Pa Pathian cu ziangtinkim ih a hrampi a siih, duhdawt nakin a khat ih, sersiam mi thilri zaten thawn pehpar awk nak a tuah mi a hrampi a si. Fapa Pathian cu Pathian ih hmuh thei mi pungsan asiih, fapa in ziangtinkim cu sersiam an siih, fapa cu Nu Mary ih pumsung ih a sem thok ihsin a taksa cu  leilungpi thawn a kom aw. A thianghlim mi thlarau Pathian cu Pa le Fapa ih kom mi duhdawt nak ih kumkhua peh zom nak a siih, boruak ih a laifang ah a um ih, ruahnak thar, fimnak thar pawl cu a suak ter ringring. Leilung sersiam nakah Bawi Pathum Pathian hmin a tel ih, Pathian pakhat ih Pathian pakhat lawng a tel ih, pakhat ciar mah thawn pehpar in boruak cu a mawi nak, a makzet nak thawn zoh tikah kanmah pawl cu Bawi Pathum Pathian pakhat thangthat ding a si.

239. Bawi Pathum Pathian pakhat a zumtu Khristian pawl hrangah sersiam mi ramsa pawlah Bawi Pathum Pathian pakhat ih hminsin nak pawl a tang tiin sim ding a si. St.Bonaventure in thuhla pakhat kaan ih a sim nak ah minung pawl cu sualhram kan tuah hlan ah ramsa tinkim cu Pathian ah Bawi Pathum    Pathian pakhat a um thu a langter nak cu hmuh theih a si thu a sim.

            Bawi Pathum Pathian pakhat thu zoh nak in leitlun ah Pathian ih man a tul. Minung pawl ih mit pawl a thim hlan minung pawl hrangah cauk thawn a bang aw mi leitlun thu cu a on cia. Mithianghlim ih a zirh bet nak ah ramsa tinkim cu Bawi Pathum Pathian pakhat ih hminsin nakah a lang ter ih, kan ruah nak thlun nak, thin pit nak, siatral nak a um lo asile cumi pawl cu ruah cia a theih. Cutiin Mithianghlim cu kanmah pawl ziangtinkim Bawi Pathum Pathian pakhat ih pek mi ihsin hmu thiam dingah in sawm.

 Hi mi cu Pope Francisih suah mi capi Ladatosi’ih sin kan lak mi a si.

Source: Laudatosi'

Add new comment

11 + 4 =