Pope in Tidai duhdah in hmang lo dingah forhfial.

leitlun_huap_tidai_ni

Pope in Tidai duhdah in hmang lo dingah forhfial.

Leitlunhuap tidai ni, tlawngkai nithum ni mipi a ton ni ah Pope in Tidai duhdah in, lole a lak in hmang lo dingah le raldonak hrangah leilung pi hmang lo dingah zangfad a rak dil.

Tidai cu duhdah ih hman ding thilri a si lo vekin, raldonak ding hrangah thohsuahtu a si lo, kan mai hrang le hmailam caansau pi ruat in kilkhawi ding mi a si tiah Pope in sim.

 Pope in Mithianghlim Francis Asisi ih sim mi sersiam mi thu thawn pehpar in a sim mi cu Laudatosi thawn a pehpar aw mi tangdornak thawn a man hla mi a thiang mi a tha hnem mi ka naunu Tidai thawn ka lo thangthat ti mi a rak sim bet.

Hi a fiangzet mi ttongfang in sersiam mi ih mawinak kan co ngah ih cu mi kilhimnak ah a tel mi harsatnak pawl kha in vunmang ter tiah a rak sim. Leitlun huap tidai ni cu Kumtin ten March 22 ni ah kumtin ten tuah a si ih tidai thiang a ngah thei lo mi minung tan 20 pawl theihkohnak thu zirh thei dingah a thupi zet ih tul mi a si tiah sim.

A hmaisa bik UN Water conference cu 1977 kum Argentina ah tuah a si. Cui hnu kum nga a rei hnu an a veihnihnak conference cu March 22-24 tiang New York khua pi ih UN zungah tuah a si ih leitlun tidai harsatnak thei sak in ramtin lung kim mi tidai thawn pehpar  mi tumtahnak tuah suak thei dingah thurel catnak an rak nei. Tidai harsatnak a tuar rero tu pawl hrangah a thupi mi hnatuannak pawl tuahsuak thei dingin thla za ka cam tiah a rak sim.

Pope in a veihnihnak Leitlunhuap Tidai conference ni ih a ratu pawl hnen a tlangpi ih tidai ngah theinak thu pawl caah a rak kuat. Cui ca a kuatnak ah Pope Francis in New York khuapi ih leitlunhuap Tidai thu relnak conference ah nun theinak, hmailam caan le ruahsannak pawl hrangah a tul mi tidaan pawl leitlun hmun tin ah an tuah sak thei ding khal ka ruahsan tiah a rak sim. Pope in leitlun miphun pawl thawn hmunkhat a si mi thansonak on dingah, ramtinkim  pawl kom pawl hnenah forhfialnak a rak nei. Hi mi thu cu RVA thuthang ih kan ngah mi a si ih ca tluan ramcang ding ih ngan mi khal a si.

https://bit.ly/3FSLgxK

 

Add new comment

2 + 17 =