Pope in Asia ihsin pahnih tel in Cardinal thar 21 tuanvo pek. (August 23, 2023)

pope_ih_apahnihnak_laudatosi.Pope in Asia ihsin pahnih tel in Cardinal thar 21 tuanvo pek Pope Francis in July 09 ah Asia ihsin pahnih tel in Cardinal thar 21 hrilnak thu a rak than. September 30 ah Vatican in leitlunhuap ihsin cardinal thar pawl ih t

Pope in Asia ihsin pahnih tel in Cardinal thar 21 tuanvo pek

          Pope Francis in July 09 ah Asia ihsin pahnih tel in Cardinal thar 21 hrilnak thu a rak than.

          September 30 ah Vatican in leitlunhuap ihsin cardinal thar pawl ih tuah mi hrang pawlkom pi a than leh ding.

          Asia ram ta hrilnak ngah mi cardinal thar pahnih cu Malaysia, Penang ihsin Bishop Sebastian Francis le Hong Kong in Bishop Stephen Chow Sau-Yan SJ te an si.

          Bishop Francis cu November 11, 1951 ah a rak suak. A mah cu Malaysia, the Melaka-Jahor diocese hrangah July 28, 1977 ah Puithiam cannak a rak ngah. July 07, 2012 ah Penang Bishop dinhmun in tuanvo rak pek mi a si ih August 20, 2012 ah Bishop cannak a rak ngah.

          Tu ahcun, the Catholic Bishops’ Conference of Malaysia, Singapore, and Brunei (CBCMSB) hotu a si. The Office of Social Communication-Federation of the Asia Bishops’ Conference (FABC) hruaitu khal a si.

          Hruaitu cu Malaysia ih a pahnihnak cardinal a si ding. Malaysia ih hmaisabik Cardinal cu April 22, 1932 – October 28, 2020 tiang rak tuan tu Kuala Lumpur ih Archbishop, Anthony Soter Fernandez a si.

          Bishop Chow Sau-Yan cu 1959 ah Hong Kong ah a rak suak. The Society of Jesus (Jesuit) kaing ah a rak lut ih, Ireland ah training a rak kai ih, July 16, 1994 ah, Hong Kong ah Puithiam cannak a rak ngah.

          May 17, 2021 ah Pope Francis in Hong Kong Bishop dinhmun in tuanvo a rak pek ih a mai Episcopal ordination cu December 04, 2021 ah a si. 1982 ah Duluth, Minnesota University ah Psychology le Philosophy lam ah Bachelor of Arts a rak ngah; 1984, Duluth, Minnesota University thotho ah Psychology zirhnak ah Master of Arts a rak ngah ih; 1988 ah Milltown Institute of Theology and Philosophy ah, Philosophy (Lic.Phil.) lam in licence a rak ngah.

          1993, Hong Kong ih Holy Spirit Seminary College ah a mai Sacred Theology ih Bachelor a rak theh suak ih 2006 ah Harvard University ah a mai fimzirnak (Ed.D.) doctor a rak ngah.

          A mah cu 2007-2014 tiang, Hong Kong University, fimzirhnak ah sunloih tlak zet mi assistant professor, tlawng hruaitu le Hong Kong, Wah Yan College le 2007-2021 tiang, Kowloon Wah Yan College ih Mangement Committee ah a rak tel.

          A mah cu 2012 ihsin, Hong Kong ih Holy Spirit Seminary College of Theology and Philosophy ah mikhual pakhat dinhmun in professor a rak tuan.

          Bishop pakhat dinhmun in a tuanvo cu 2018-2021 tiang, Chinese Province, Society of Jesus ah provincial superior a rak tuan.

          Hong Kong ih a pahnihnak cardinal cu Chow Sau-Yan a si ding.

          Hong Kong ih a paruknak Bishop dinhmun in rak tuantu, Joseph Zen Ze-kiun ADB cu Hong Kong ih hmaisabik cardinal a si.

          Hmailam caan hrang Cardinal pawl cu:

  • Bishop pawl hrang Dicastery Prefect, Archbishop Robert Francis PREVOST O.S.A,
  • Nisuahnak lam Pawlpi pawl hrang Dicastery Prefect, Archbishop Claudio GUGEROTTI,
  • Zumnak lam ih pek mi Doctrine hrang Dicastery Prefect, Archbishop Victor Manuel FERNANDEZ,
  • Apostolic Nunzio, Archbishop Emil Paul TSCHERRIG,
  • Apostolic Nunzio, Archbishop Christophe Louis Yves Georges PIERRE,
  • Jerusalem ih Latin Patriach, Archbishop Pierbattista PIZZABALLA,
  • Capetown (Kaapstad) Archbishop, Archbishop Stephen BRISLIN,
  • Bogota Archbishop, Archbishop Luis Jose RUEDA APARICIO,
  • Lodz Archbishop, Archbishop Grzegorz RYS,
  • Juba Archbishop, Archbishop Stephen Ameyu Martin MULLA,
  • Madrid Archbishop, Archbishop Jose CABO CANO,
  • Tabora Coadjutor Archbishop, Archbishop Protase RUGAMBWA,
  • Hong Kong Bishop, Bishop Stephen CHOW SAU-YAN, S.J.,
  • Ajaccio Bishop, Bishop Francois-Xavier BUSTILLO, O.F.M Conv.,
  • Lisbon ih Auxiliary Bishop, Bishop Americo Manuel ALVES AGUIAR,
  • Salesians ih Rector Major, Reverend Angel FERNANDEZ ARTIME, s.d.b.,
  • Cumana ih Archbishop Emeritus, Archbishop Diego Rafael PADRON SANCHEZ,
  • Buenos Aires ih Confessor of the Shrine of Our Lady of Pompei, Fr. Luis Pascual DRI, OFM Cap., pawl an si.

Hi thuthang cu RVA thuthang ih kan ngah mi a si.

Add new comment

4 + 9 =