Asia Pacific hmun ah rian a tuan rerotu Jesuit pawkomin nisuahnak thlanglam Asia ram pawl ah thingkung 40000 an phun. (June 17, 2022)

asia_pacific_hnenah_rian_a_tuan_rero_tu_jesuit_pawlkom_in_thingkung_40000_phunnak_nei

Asia Pacific hmun ah rian a tuan rerotu Jesuit pawkomin nisuahnak thlanglam Asia ram pawl ah thingkung 40000 an phun.

(June 17, 2022)

              JRS tiih kawhmi The Jesuit Refugee Service (Jesuit pawlkom ih harsat tuar pawl bom nak hnatuan) thahnak kum 40 kimkum ni sunloih nak in 2020 ihsin thokin thingkung 40000 cu Cambodia, Indonesia leThailand ram pawl ah an cing ih ram pawl ih nunphung le kiangkap umdaan rem dingah an tumtah tiin an sim.

              (40-4-40) mi tampi theih mi cu thingkung pawl thawn huap nak le nunphung pawlkom thansonak tumtahnak a si. Farah zonzoinak le kiangkap siatnak pawl kilhim taktak dingah a si. Himi tumtahnak cu(2021-2025) Asia Pacific hmun ih Jesuit pawlkomih tumtah mi a  si. A tlun ih tumtahmi ah mipi pawl, mino pawl khal an tel. Tumtahmi antuah taktaknak cu kumkhat a kim zo.

              Himi tumtah nakih tuanvo neitu Louie Bacomo in himi hmun ih nunphung le kiangkap buainak ah harsat nak an tuar. Hringhro nak aum. Siatsuah nak a um. Curuangah kiangkap kilhimnak le upat thiam dingah,kiangkap thawn remaw ten um thiam dingahle kan zaten inn asimi kilhim dingah a tul. Hramlak a um nak cu mipawl mai umnak tlansan lo dingah kham tu a si tiin a sim.

              Rammi pawl cu nun tu khua sak nak hrang hramlak an rin san. Hramlak kilkhawinak cu rammi pawl kilkhawinak asi. An unphung le kiangkap khal kilkhawi nak asi.

              Thailand ram saklam ih Kayen miphun pakhat asimi Orniah in himi tumtah nak ruangah rualpi pawl le pawlkom karlak ah relawknak a thatthu, kiangkap khal upat ding theih a si thu, kiangkap cu minung nunnak ding hrang lawng asilo. Pathian sersiammi asi timi theih a si thu a sim.

              Cambodia ih pawlkom 5cu Prey Lang hmun ah thingkung 4000 an phun. Cui hmun cu a kau zetmi hmun rawn a siih, Cambodia le nisuahnak thang Asia ih hramlak thing pawl an kho. Kilhim mi hramlak khal a si. Himi hramlak cu 2016 ihsin thokin Cambodia cozah in hramlak ramsa pawl umnak hmun tiin an than.           

              Philippines ram saklam Cotabato ihMarlon E.Apan khal in kan nauhak lai ihsin kan lungrual ding. Ziangruangahtile hmailam ih hotu an si ding. Kan tar tikah santhar pawl ro kan tan ding. Philippines ih pawlkom 5 khal in thingkung 22000 cu Bukidnon ih Parish pawl ah siseh, Davao ih phunsangtlawng leng le Zamboanga pawl ah an phun. Thenkhat cu mai tidaan pawl thawn khal an phun. Philippines ih mino pawl khla in thinlung zaten thih nak, hramlak siatsuah nak, kiangkap harsat nak tiang hngak loin thingkung cing cio uh si. Caan neih lai ah zuam uh tin a forhfial.

              Thailand ram ih thlanglam ah harsat tuar 93000 luan an um ih anmah pawl cu Karen le Karenni miphun pawl an si. Myanmar ih a cang rero mi buainak pawl ruangah an tlan ih an relh. Harsat tuar um nak hmun 6le Chiang Mai Diocese ih pawlkom 15 cu thingkung 74000 an phun. Thingkung pawl phun hlan ah Pope Francis ih "Laudato si" kan zate ih inn kilkhawi cio uh capi ih lam hmuh mi vekin thusimnak program an tuah hmaisa.

              Thailand saklam Mae Sariang ih Karen mino pakhat in 'thingkung phun ruangah ka lungawi tuk. Kiangkap thawn kannai tiin ka ruat. Kiangkap kilkhawi phah in kaingkap khal in in kilkhawi ding tiin hlanlai upa pawl ih an sim dah. Thingkung phun nak cu lo, thing, inn ih hman mi thilri pawl tuahnak ah hau, ur mi aiah aiawh sal nak a si' tiin a sim.

              Thingkung phunnak cu tuahnak pakhat lawng a silo. Pawlkom hrang thatnak a um. Pawlkom pawl khal an tel.Hivekin hmunkhat ten tuan tlang nak cu pawlkom tumpi dinnak a si. Pawlkom dinnakcu cui hmun pawl ih nunphung, thlarau, nuntu khuasak nak pawl bomnak a si.

              Kawlram khalah Ba Maw Diocese Nanhlaing St.Micheal  Diocese pawlkom pakhat khal ahmaisabik nak tumtahnak ah an tel nak a si. Kayah ramthen, Shan thlanglam hmun pawl ah himi cangvaih nak pawl ah an tel. Myanmar, Kayah ramthen, Demoso ih Kayah mino pakhat khal in "thingkung phunnak cu a thami daan, tikcu remsal nak lawng asilo. Pawlkom thinlung, remdiahnak le pawlkom pahnih ramawk sal nak khal a si. Kan karlak ah nel awk nak a nung ter sal" tiin a sim.

              Vietnam Diocese khalah himi program ah an tel. Himi tumtahnak ih tuanvo nei tu Bacomo in himi program ih a tel tu pawl hnen a lungawi thu, himi timtuahnak cu zumhnakin a tel tam thu zaten hnen a lungawi thu himi program cu Asia Pacific hmun ih rian tuan tu Jesuit pawlkom ih dungthluntu hnatuan thenkhat asi thu, Jesuit pawlkom dinhmun in pawlkom sungtel 1600 anum ih an mahpawl in zatek 10 cu ram 16in ansi tiin sumpai lam kil tu asiih, himi program ih pawlkom asimi Fr.Vidal Gornez Jr in a sim.

              Sungkhat, bom tu pawl thawn hmunkhat ten a tuan tu pawl ih bom nak thawn Jesuit pawkomcu Gospel thuthangtha karh zainak, fimthiamnak, Parish pawl zohfelnak  le dungthluntu hnatuan, Pathian thuruah khawm nak ah thuthangtha simnak, mairam mi thuhla dilsaknak, kiangkap kilkhawinak cu a dang dungthluntu hnatuan pawl tuah asi thu a sim. Himi thuthang cu RVA thuthang ihsin kan don mi a si.

https://bit.ly/3HRJSeC

Add new comment

10 + 3 =