Kiangkap, sumdawn nak, nunphung lam ih kiangkap fimnak. (Dec 2, 2021)

Kiangkap, sumdawn nak, nunphung lam ih kiangkap fimnak. 

138. Kiangkap fimthiam nak ecology cu a nung mi ramsa pawl le an thanglian nak kiangkap ih pehtlaih awknak  zingzoi mi fim nak a si. Himi thu cu minung le pawlkom pawl ih nun khua sak nak hrangah a tul mi thil pawl thawn pehzom in, ruah nak thawn thu rel khawmnak a tul ih, felfai zet in thusuh nak tuah ding a si. Thil ri khat le khat pehtlai awk nak thu cu rel men in a cem thei dah lo ding.

         Tikcu caan le hmun le ram kiangkap pawl cu pakhat le pakhat a dangtein um a ngah lo. Nucleus khal a dang ten suahin zingzoi a ngah lo. Planet pakhat ciar ih a leng lam um daan, chemical lam, ramsa lam ih zoh nak zaten khat le khat an pehzom awk vek in nun nak a nei mi ramsa pawlih kiangkap pawlkom daan ih then thek pawl cu ziang tik khalah fel fai ten zingzoiin, theih thiam a si lo ding.

         Kan mah pawl ih suah keh pawlkom daan ih thenthek nak pawl cu a tamzet mi nunnak a nei mi ramsa pawl khal in an nei ve. Thilri siseh, thil um daan siseh, pakhat khat thenkhat lawng theih nak, thuthang thenkhat lawng theih nak cu a kau zet mi thil ri zaten thawn peh tlai awk nak a um lo asile, theih asilo lawlaw tiin ti ding a si.

         139. Kiangkap tiih ti tikah leitlun thil ri le cumi parah rinsannak thawn a um tu pawl cu nunphung pawlkom daan karlak ih a ummi pehtlaihawk nak a sim duh. Leitlun thilri cu kan mah pawl thawn a dang awk thu, cu asilole kan um nak hmun lawng a si tiin ti a theih lo. Kan mah pawl cu kiangkap ih thenkhat asiih, cumi ah a tel ih cumi thawn pelh loin a pehtlai aw a si.

         Hmun pakhat ih hnawmbal a cang nak thu pom nakin, cui hmun ih pawlkom pawlih hnatuan daan, sumdawn daan, cui hmun minung pawlih umdaan pawl, kiangkap umdaan pawl cu cui hmun ih a um tu pawl ih theih thiam nak cutivek pawl theih a tul. Tikcucaan thleng awk nak a um nak in, buainak pakhat ih then tinkim hrangah thenin a hnget mi thuhla hawl a ol lo ding.

         Buai nak hrangah felfai ternak hawl a tul. Cui felfai ter nakah leitlun pawlkom sung ihsin thilri pawl khat le khat cang nak, pumkhawm nak sung ihsin minung khat le khat, minung le kiangkap pehzom awk nak zaten ruah dingmi felfai ter nak a si ding.

 Kanmah pawl cu kiangkap le nunphung lam ti mi in buai nak pahnih thawn ton ding siloin, hmuh nak a phunphun tel in buai nak pakhat lawng asiih, cumicu kiangkap thawn peh par mi buai nak asiih, cumicu kiangkap thawn pehpar mi buainak asivekin nunphung lam buai nak khal asi.

Source- Laudato s'

https://www.youtube.com/watch?v=sSZ3qMLSgyU

 

Add new comment

4 + 5 =