Leilung hnawng (cirhti suah) nak hmun pawl cozah pek nak parah Srilanka Catholic Pawlpi in dokalh (November 11, 2021)

leilung_hnawnnak_hmunpawal_cozah_pek_nak_parah_srilanka_catholic_pawlpi_in_dokalh.

Leilung hnawng (cirhti suah) nak hmun pawl cozah pek nak parah Srilanka Catholic Pawlpi in dokalh

(November 11, 2021)

              Sri lanka ram Muthurajawela leiram cozah ih an lak nak parah Sri lanka Catholic Kohhran in a do kalh. A tlun ih tuahnak cu cui  hmun ih a um tu pawl ih pumcawmnak le kiangkap siatsuah nak a um thei ruangah asi thu, October 7 ni ah Sri lanka cozah ih thu an suah nak vekin Muthurajawela leiram cu nitlak nak lam thunei tu pawl in an la ding tiin thu an bot cat thu,

           Colombo Archbishop Cardinal Malcolm Ranjith in a tlun ih thuhla cu cui hmun ih mipi pawl le biaknak lam hmun tampi a sung ter thei ruangah thuthennak zung hnen dilnak ca a kuat thu, Zarhpi ni ahcun Colombo Catholic Archdiocese in hi thu thawn pehpar aw in theih ter nak ca pawl thawn simfiang in a darh ter tiin an sim.

           Tlawngkai nihnih khalah Siangbawi pawl, Sister pawl in cozah ih tuah tuan nak ruangah mipi pawl ahleice in cui hmun ih nga kai tu pawl le nunau pawl siatsuah thei tiin lam zin par ah duhphorh nak an nei. Cu tiin 2019 kum ih Ester Sunday (thosal zarhpi ni) ah tuah mawh nak ih bung a puak nak ruangah tuah mawh a tuar tu innsang pawl hrangah thudik hrang khalah duhphorh nak tuah nak ah an dil. Sri lanka cozah cu anmai dinhmun in cun Matharajawela hmun kilhim duh ruangah asi thu le electric tha hrang a si tiin an sim. Himi thuthang cu Vatican thuthang ihsin kan don mi a si.

Photo courtesy of LiCAS.news

https://bit.ly/3ktuydv

Add new comment

2 + 7 =