Pope Francis le a dang Khristian hotu pawl komaw in ‘leilungpi humhim dingah’ hmaisabiknak thuthan an suah. September 7, 2021

Pope Francis le a dang Khristian hotu pawl komaw in ‘leilungpi humhim dingah’ hmaisabiknak thuthan an suah.

September 7, 2021

         England ram, Canterbury ih Archbishop Justin Welby, nisuah nak lam tidaan a thlun tu Khristian pawl ih hotu Bartholomew le Pope Francis, pawl kom aw in ‘leilungpi kilhim dingah’ hmaisabik thuthan an rak suah.

         Leilungpi le mi harsa pawl ih au aw thei thei dingah, rin lo pin nikhua le kiangkap thlengawknak hringhro rero mi dinhmun cu mi tinkim thawn pehpar mi a thenthenah telh in thleng a theih thu thuthan ah an rak forhfial.

         Tu vekih kom aw in thuthannak khal Pope in September thlathok lam ah a rak sim dah zo. Hi vekin thuthannak thawn sersiam tu a zum tu Khristian pawl in sersiam tu ih sersiam mi pawl kilkhawi dingah zuam a tul sinsin vekin, thlacam sak a theih thu thuthan ah a rak sim.

         A dang pawlkom ih Khristian unau pawl thawn kan ruuninnpi a si mi leilungpi ah pulhnat a thlennak humhim dingah thlacam in tuan tlang uh si. tiah September 1, 2021 ah a rak forhfial.

         Tui komaw in thuthannak thawn Anglican Khristian hotu, nisuahnak lam ti daan a thlun tu pawl hotu le Roman Catholic Pawlpi hotu pawl kom aw in nikhua a satnak thawn pehpar in Glasgow ih tuah ding mi COP 26 thurelkhawmnak ah a tel tu ding hotu pawl timtuah ih langternak ah a tel tu ding hotu pawl timtuah thei dingah thlacam sak dingin a rak forhfial.

         Cu vek in bulpak cio khal in tuanvo a um mi hrilnak tuah dingah le duhsan a um mi apawknak um dingah, leilungpi ih suah mi cu duhham in tul mi hnakih tam hmannak ruangih a cang mi khal ruatcia dingah a forhfial.

         Hi thuthang cu Rome Reports thuthang ih kan ngah mi a si.

https://bit.ly/3BThlRA