Ramsa tinkim ih Bawinu Maria

Ramsa tinkim ih Bawinu Maria

              Bawinu Maria cu Bawi Jesuh duhdawt nak thawn a kilhim tu nu asiih, a tu ah nat nak hma thawn a khat mi leilungpi cu nu ih duhdawt nak le thinlung sungih tuar mi nat nak pawl a kilhim. Fapa cu thinglamta ih tuar nak vekih nat a tuar rero tu mi harsa farah pawl le an thil tuah mi ruangih a siat mi leipar ih ramsa pawl zaten hrangah nat nak a tuar.

              Bawinu ih dinhmun cu a thleng aw thluh ih, Bawinu cu fapa thawn vancung ah a um ih, rannung pawl in a mawi nak an thangthat. Bawinu cu thuphuan sungih lang ter mi ni thuam hruk in, thlapi pal in a lu parah arsi 12 a um mi Siangpahrang lukhuh a khum tu a si (Thuphuan 12:1). Bawinu vancungah hruaiso a siih, Bawinu cu ramsa tinkim ih nu le Bawinu a si.

              Thih nak ihsin a tho sal tu Bawi Jesuh thawn sersiam mi thenkhat cu a famkim mi mawinak ah a cang. Bawinu cu Bawi Jesuh ih nunlai ih a cang mi zaten a thinlung sungah khum in a ruat (Lk 2:19,51) . A tu ah cun a mah cu ziangtinkim ih san a thei. Curuangah kanmah pawl cu hi leitlun dinhmun cu Bawinu ih ngah mi hmuh ton mi pawl thawn zoh thei dingah Bawinu hnen ah bawm nak dil a theih a si.

            A mawi mi innsang ah Bawi jesuh le Bawinu kiangah pa Joseph a um. St. Joseph cu a zangfah na pek awk nak le hnatuannak in Bawi Jesuh le Bawinu kha thaten a cawm ih, anmah pawl cu a tha lo mi Siangpahrang Herod ih thil tha lo tuahnak in a kilhim ih Ezipt ram ah a hruai.

              Bible cathianghlim in St. Joseph cu mi tlaitluang, dam cak ih hnatuan zuam tiin an lang ter. St. Joseph ih nunnakah thatnak khal hmuh asi. That nak cu thazang mal pawl ih hminsin nak siloin, a cak ngaingai mi, dinhmun a phunphung ah felfai ten thei thiam tu, zangfah nak thawn khat in a tul mi bom nak pe dingah man cia ih a um nak a lang ter.

              Curuangah kawhhran cu St. Joseph hnen leilungpi ih Khristian kawhhan kilkhawitu Mithianghlim tiin an hminsin. St. Joseph cu kiangkap ziangtin kilkhawi ding thu a zirh. Kanmah pawl thazet in hnatuan dingah, Pathian kanmah pawl kilkhawi dingah tuanvo a pek mi leilungpi cu ziangtin duh dawt nak thawn kilkhawi ding thu a zirh.

https://www.youtube.com/watch?v=3OrNKGOX9DQ

Add new comment

13 + 5 =