Sersiam tu thawn remdaihnak din in sersiam mi pawl thawn rualrem ten um uh. September 01, 2020

sersiam_mi.jpeg

Sersiam tu thawn remdaihnak din in sersiam mi pawl thawn rualrem ten um uh. September 01, 2020

           September nikhat ni cu sersiam nak kilkhawinak hrangah thlacamnak ding thlakhat sung cangvaih nakih hmaisabik ni a si. Hi cangvaih nak thawn pehpar in Pope Francis in leilungpi ih a hrampi, minung pawl ih tuah mi tihnungza le dinsal nak dingah ding nak le tawkzawn ih ruah nak pawl a tul thu, hi vek ih ti tikah a farah mi ram pawl ih leiba kuan sak nak pawl khal a tel thu in an rak ruat. Leilungpi le farah harsa pawl ih an tah aw, a tui ton rero mi pulhnat pi cu milai pawl lamzin lai ah in ret. Hi dinhmun cu a tha bik ih hman thiam a tul.

            Culawngah ziang vek thil khal a leng lam lawngih tuah mi thil, kum rei lo te sung that nak, hmuh nak ding mi pawl hrial in kum reipi that nak, mi tampi thatnak man a kai ter ding mi thil pawl tuah nak ah a thanglian ter ding mi thil pawl tuah a tul.

Nitin kan hman mi meisa

         Thil phurh nak le rawlsuannak pawl ralrin sal a tul. Hman nak si lo in dekcawk nak a si le dekcawknak tuah nawn lo dingin hlon a tul. Ziangah tile innsungsang ih sumdawnnak a siatsuah Hi vek ih tuah nakin nunram dik zetin a ciing ih zuar theih pawl a suah sak. Leilungpi le farah harsa pawl ih au aw, tah aw pawl cu a ring tuk ti ai in a ring sinsin. Kum le thla a rei vivo deuhdeuh vekin nat nak a tam deuhdeuh.  Asinain, Thiang Thlarau in pakhat ciar a thangphok nak cu mangbangza a si. Ziangah tile leilung pumpulukih um pawlkom pawl a kom terih mifarah pawl, leiram, leilungpi, mah le mah kilkhawi aw dingah dinhmun nei lo pawl a kilhim. Mino pawl, pawlkom pawl, mai um nak hmun ih kiangkap pawl ih ton mi harsat nak pawl rulh kir sal dingah a hmaisabik ah an um. Leilungpi ih Jubilee le a thar in ke kar thar pawl thok dingah an dil cio. Ziangah tile ziang tinkim thleng a theih.

           Kiltu um lo duhhamnak le a tul lo ih hman nak, sersiamnak thawn mil aw ten um dingah cu sersiam mi thawn tawk le zawn ten um a tul. Ziangah tile a mah cu sersiam mi zate ih a hramthok nak a si. Jubilee cu kan mah milai pawl khat le khat a thar thawh nak caan pakhat a si. A thupibik in mifarah pawl le hum tu nei lo pawl upat nak thawn ruah nak caan a si. Leilungpi ih um mi pawl cu kan zem awk a tul. Ziangah tile nun nak dingah a si ih zuam awk nak dingah a si lo. Nel awk nak thinlung, khat le khat tha pe aw ih bawm nak thinlung, humhim nak thinlung pawl thawn hlawm awk a tul. Jubilee cu lungawi nak caan lawng a si lo. Ngai nak caan khal a si. Sersiam tuih aw cu hnathongih ngainak tik cu caan, kan mah cu sersiam nak hmun ih a hman mi dinhmun ih thleng sal dingah kan mah pawl cu sersiam mi pawl ih Bawi kan si lo.

         Sersiam mi pawl thawn pehtlaih awknak kan neih kha theih a tul. Thaw nei pawl thawn hmunkhat si nak bangawk lo nak, nikhua a sat nak ruangih a cang mi pawl, mifarah pawl, humhim tu nei lo pawl par ih ding lo nak, dik lo tuah nak ih a cang mi a tui pulh nat sia pawl cu kan humhim nak um lo ruangih duhhamnak, a tul lo ih hman nak pawl tharthawh dingah ralrinnak pek nak a si. Jubilee caan cu hrem a tuar tu pawl luat ter nak tikcu caan a si. Zo pawl in hrem an tuar. Khawpi pawl le a dang san thar ti dan thar pawl thawn sal ih hmannak pawl a cang ter tu buarhhlawhnak, kum kim lo nauhak pawl hnatuan fial nak pawl in luat a tul.

         Leiba sam sak nak, Jubilee caan cu dik lo mi pawl dik nak thawn thleng  nak caan, dinhmun nei lo ram pawl a thupibik in Covid-19 ruangah harhdamnak kilhim nak ih thla mal mi, nunphung pawl ih leiba pawl sam sak nak tuah nak caan a si. Hi vek ih tuah nak cu humhim sal ding le leitlunhuap ah siseh, ram sung khal ah siseh, hnatuan nei lo nak harsatnak mal ter nak khal a si. Upadi daan pawl le peisa nu ret mi pawl cu mipi that nak hrang thupibik ih ruah a tul. Nunphung le sumdawnnak ih tumtah mi pawl tuah a tul. Hi thuthang cu September 1, 2020 ah Vatican thuthang ih kan ngah mi a si.

https://bit.ly/2FGuTYF

Add new comment

8 + 12 =