"Christmas" ti mi cafang hmang lo dingah EU pehtlaihawknak lamhmuhnak pawlkom ih zuamnak cu Vatican ih Cardinal in mawhthluk (30 November 2021)

"Christmas" ti mi cafang hmang lo dingah EU pehtlaihawknak lamhmuhnak pawlkom ih zuamnak cu Vatican ih Cardinal in mawhthluk

30 November 2021

         Cahmai 32 a sau mi EU pehtlaihawknak lamhmuhnak ca-uk ah zaten bangraan mi covo zoh in Christmas tikcu tiih hman mi cu zung pit caan tiih hmang ding tin a tel. EU pawlkom pawl ah an zaten Christian an si lo ruangah a dang biaknak pawl forhnak vekih a can thu a sim fiang. Vatican ih Secretary Cardinal Pietro Parolin in hi tiin a rak sim."Hi mi hi tidaan  hi a thalo a si. Thudik thawn tla a kalh aw. Leilungpi cu a bang aw lo mi pawl thawn mawi zet in a um. Ziang khal milai covo si dingah telh a ngah lo. Bangawklo nak upat a tul. Europe ih Christian puai pawl cu leitlunhuap ah a karh rero cu thudik a si. Asinan, hi vek ih a thupi zet mi signboard hnuai ah phen a ngah lo tiah ka sim duh" tiin a rak sim.

         Mi tampi khal in cui lamhmuhtu commision ih tuan mi an lungkim lo. A dang biaknak sungtel pawl khal in an mah thawn pehpar mi puai pawl an nei ih zung pit ni pawl tla a um thu theih a si. Hi thuthang cu Vatican thuthang ih kan ngah mi a si.

https://bit.ly/3E8aNjw