Catholic Minister pawl kawhdaan

Catholic Minister pawl kawhdaan

Catholic Minister pawl kawhdaan kan ti tikah, mirang tong hmangih kawhdaan kan timi hi a si tlangpi ko.

1. Pope

Pope hrangih hmanmi tongfang cu ‘Holiness’ a si. Amah thawn hmaiton biakawk ding a sile, ‘Your Holiness’ ti’n kan hmangih a thuhla sim duh le ngan duh tivek a sile, ‘His Holiness’ ti’n kan hmang. A caancaan ahcun, ‘Most Holy Father’ asilole, ‘Holy Father’ ti’n khal kan hmang phahphah thotho ko. 

1. Cardinals

Cardinal pawl hrangih hmanmi tongfang cu ‘Eminence’ a si. Hmaiton biakawk ding tikah ‘Your Eminence’ timi kan hmangih a thuhla sim le ngan ding tikah ‘His Eminence’ ti’n kan hmang. British Enghlish tong hmangtu pawl cun, ‘Eminence’ aiah ‘Lordship’ timi tongfang khal an hmang thotho. 

1. Archbishops/Bishops

Archbishop le Bishop pawl hrangih hmanmi tongfang cu ‘Excellency’ a si. Hmaiton biakawk ding tikah ‘Your Excellency’ timi kan hmangih a thuhla sim le ngan ding tikah ‘His Excellency’ ti’n kan hmang. British Enghlish tong hmangtu pawl cun, ‘Excellency’ aiah ‘Grace’ timi tongfang khal an hmang thotho. 

1. Priests/Fathers

Siangbawi pawl hmuahhmuah cu ‘Reverend’ ti thluh an si mai. Asinain, tuanvo hleice pekmi le Monsignor sinak pekmi pawl hrang ahcun ‘Very  Reverend’ timi khal hman a si theu. 

1. Deacons

Deacon pawl hrangih hmanmi tongfang khal ‘Reverend’ ti thotho a si. Hmansehla, Catholic Kohhranpi sungah ‘Transitional Deacon’ le ‘Permanent Deacon’ ti’n Deacon phun hnih kan nei. Cumi sungin ‘Transitional Deacon’ pawl hrang lawng ah ‘Reverend’ timi tongfang hman a si theu. ‘Transitional Deacon’ timi cu Siangbawi tuan lai dingmi pawl tinak a si ih ‘Permanent Deacon’ timi cu Siangbawi tuan nawn loin, kumkhua Deacon tuan pawl tinak a si. Cuih Permanent Deacon kan timi ahcun innsang nei tla an um phahphah.