Adventu Thuanthu Tawi

Adventu thutawi

        Adventus Pangpar kual cu a hlum in tuah a si. Cui a hlum ih duhsan cu Pathian ih cem ni nei lo duhdawt nak kha a langter a siih a hring ringring mi a hnah thawn tuah mi a si. Cu mi cu Jesuh Khrih ih rak ken mi kumkhua nun nakih hngakhlap nak kha a khih hmuh a si. A tlangpi kan ti le Advent pangpar kual ih ret mi Phazawngden pawl cu Jesuh Khrih leitlunih a rat nakih a rak ken mi tleu nak hi a khih hmuh mi a si.

Adventus ti mi tik-cu caan cu Christmas hlan zarh pi veili ti nak a si. Khat lam zawngih kan ti le December ni khat in Christmas ni December ni 25 tiang a si.

Adventus ih duh san cu Latin tongin rat nak ti a si ih ti duh san cu leilung tlunih Jesuh Khrih a rat nak dingtik cu caan nisunglawi a si.

Hi mi Adentus Zarhpi veili ah Pazawngden pali in duhsan a nei. Hi phazawngden pawl cu a dup (khayanyawng) pian a keng a tul a si.

Adventu zarh khat nakih Pazawngdenih duh san cu Hngah hlap nak a si. Prophecy Candle ti tlan an ko. Ti duh san cu Prophet Isaiah ih Jesuh Khrih a suah nak ding thu a rak sim nak hi in mangter sal nak a si.

Adventus Zarh hnih nak khal cu a dup mi a si dingih a duhsan cu “Duhdawt nak”ti a si ih “Bethlehem Candle” Bethlehem Phazawngden tin tla an ko. Ziangruangah Bethlehem Candle an ti ti a si le  Mary and Joseph ih Bethlehem ih an khual tlawn nak in vun mangter sal nakah  a si.

Adventus Zarhthum nakah cun a senpal Phazawngden hman a si ih a duh san cu Joy ti mi lungawi nak hi a duh san a si. Cun “Shepard’s Candle”tin tla an ko a si. Ziangruangah ti a si le Jesuh Khrih a suah nakih tuukhal pawl ih lungawi nak hi in vun mang ter sal asi.

Adventus Zarhli nakah cun “daih nak” a si ih “Angel’s Candle” Vancung mi pawl ih Phazawngden ti tlan an ko a si. Curuangah JesuhKhrih a rat nak ni sunglawi kan hngahhlap nakah tangdor nak, thin niam nak, le supnak thawn a hnen naih tlang uh si.