Nauhak pawl in mithar an tihnak san le tawlrel daan pawl.

Nauhak pawl in mithar an tihnak san le tawlrel daan pawl.

        Thla 6-12 karlak nauhak pawl in an kiangkap ih um mi mithmai pawl an thleidang thiam ih nu le pa, kilkhawitu pawl thawn a tha mi pehtlaihnak an din thei thlang. Asinan, nauhak pawl cu nelawk lo mi (lo le) an hmuh dah lo mi mithar pawl thawn an tonawk tikah stranger anxiety tiih kawh mi tihphannak an nei. Stranger anxiety cu tamsawn ah mithar pawl kiangah si le tihphannak, thinphannak pawl a cang. Hmaisabik ah nu le pa hrangah hi dinhmun pahsuak dingah a tum tuk tiah ruah a theih. Asinan, hi hi nauhak ih thansonak thenkhat pakhat a si ih nuntu ziaza kil a theih. Hi thuhla cu nauhak pawl in an hmuh dah lo mi pawl an tihnak, an phannak thuhla pawl le olten tawlrel daan pawl kan tarlang ding.

          “Mithar cu tihphannak thinlung le nu le pa kilkhawitu thawn thenawk ding phannak thinlung lak ih danglamnak cu ziang a si?” American Psychological Association (APA) ih sim vek a si le stranger anxiety cu theih dah lo mi pawl kiangah cun nauhak pawl ih an thinlung ruahnak a danglam. Separation anxiety ti mi cu nauhak in an nu le pa, kilkhawitu pawl thawn an hlat awk ding cu an phanbik mi a si. Thansonak thawn pehpar mi thilcang pahnih hmunkhat ah a cang ko nan an danglam. Stranger anxiety um mi baby pawl, nauhak pawl cu mithar pawl an feh hlan lo an tih theu. Thinharnak pawl sungah nauhak pawl in hi buainak pawl an langter.

• Mithar pawl mithmai hrialnak (lo le) hmun hla ih fehnak
• Lem theih lo ding tiang tahnak
• Nu le pa ih dung (lo le) taang sungih relhnak
• Hmaihuhnak
• Mithar thawn hmaiton aw lo dingih relhnak

Mithar pawl tihnak cu tamsawn ah thla sarih hrawngin a thok ih thla 12-15 tiang a tambik in kumhnih ah malte a demdeuh “Ziang mi in Stranger Anxiety a cang ter?” Nauhak pawl an upat vivo vekin minung thleidan thiamnak an nei. Theihtheinak le thinlung lam thansonak pawl komnak in an nu le pa, an mah kilkhawitu pawl, an nel mi pawl thawn thinlung tuar mi hlawmnak a can ter. A kiltu kiang ahcun thinlung hnangamnak a um ih nel lo mi kiangahcun thinphannak a can ter. Nauhak pawl cun ei ding, lek ding, ti a duh tu pawl thawn lawng pehtlaih an duh. Nel lo mi pakhat in a pom a si le thinphannak a can ter.

     Hi mi dinhmun in nu le nauhak thinlung hnaihnoknak a cang ter thei. Asinan, hi tidaan pawl in nauhak pawl ih Stranger Anxiety tawlrel dingah a bawm thei. Stranger Anxiety hi nemhnget aw. Nauhak pawl ih mithar tihnak thinlung cu thatnak thawn nemhngetnak in thok aw. An kut kai aw. Na taang sungah um ter aw. An mah biak rero aw. An hnenah mithar thuhla sim in hni, ziaza pawl thawn cibai buuk ding sim in tha pe aw.

     Nauhak kha a nauhak lai ihsin mithar thawn theihternak nei aw. Nauhak kha mithar thawn hmaisabik ah nel aw dingin tuah lo in cawi ter mi in nauhak a thin a phang ter thei. Hmaisabik ih nelaw dingin tuah lawngah nauhak ih thinlung sungah himnak a um thei ding. Nauhak thinphang zet ih a um le thinsau ten um aw. Dai ten um aw. Mah le mah tha peknak, thinlung hnaihnoknak can ter ai cun thin daiten um aw. An mah na lem lai ah pomnak le hnamnak ti vek a tha mi thinlung tuarnak pawl hmuh aw. An theihnak dingah tikcu daih pek aw. Nauhak tinkim in nelawknak le theihnak cu a danglam mi tidaan a um. An nunphung thlun in an tihphannak le thinphannak thinlung pahsuak thei dingin bawm aw.

     An nauhak lai ah a dik mi tahthimnak pek aw. Nauhak pawl cu zingzoinak ihsin an zir ruangah tahthimnak pakhat ret aw. Aw ka neem, mithmai pan te thawn nelawknak nei mi, nel awknak um lo mi pawl thawn biakawknak a si. Nauhak pawl dinhmun in khat le khat pehtlaih duhnak thinlung um dingin tuah a theih. Nauhak a thinheng pang a si le nauhak kha mithar thawn hmun hla ah hruai aw. An duhbik mi leh nak lek ter aw. Tikcu a rei deuh hnu lawngah nauhak cu mithar thawn pehtlaih sal dingah zuam aw.

     Mithar (mikhual lole hmuh dah lo mi) pawl tihnak cu suakpek nauhak pawl ih a harhdam mi nunphung, thinlung lam le theihtheinak thawn pehpar mi thansonak ah punghman thilcang pakhat a si. Na fate ih thinlung tuar mi thei in thinlung lam bawmnak pek cihnak thawn hi dinhmun ol ten pahsuak thei dingah bawm aw.

     Source: Raising Children