Myanmar (Kawlram) Puithiam in hnatuan tuah dingah le kiangkap kilkhawi dingah Indian thingkung phunkhat ‘cardamom’ ciing.

Myanmar (Kawlram) Puithiam in hnatuan tuah dingah le kiangkap kilkhawi dingah Indian thingkung phunkhat ‘cardamom’ ciing.

          Myanmar Puithiam in cui hmun hrang hnatuan tuah dingah le kiangkap kilhimnak ah Indian thingkung phun ‘black cardamom’ kung pawl cu kumthum sungah Zang Yaw khua ih ciingah a timlam. Zang Yaw Parish ih hmaisabik Parish Puithiam ih tuanvo pek thar mi, Fr. Peter Zang Yaw Hpung in kumthum sungah Zang Yaw khua ih black cardamom kung kung (30,000) ciing dingah a timlam.

          “Hmaisabik ah cui hmun mipipawl hrangah hnatuan tuah sak ding ka tumtah. Pahnihnak ah, cardamom ciing dingah a um cia mi thingkung pawl hau a tul lo ruangah kiangkap ka kilkhawi. Cui thingkung in a hnemnak a tul. Hramlak ih ciin mi fangcang thawn a bang aw lo,” tiah a rak sim.

          Cardamom thingkung cu a ciarnak, a daihnak, a hnemnak, le tlang pawl ih ciin le a tha duh cuang. Nitin ei in mi pawnghmuk emnak hrangah leitlun killi ah an hmang tam. “Kumtin ten black cardamom thingkung 10,000 ciing dingah saduhthahnak ka nei. Kumthum sungah, kung (30,000) ciin thei ka tum. Hi hi ka hmuh daan pawl ihsin pakhat a si ve,” tiah Fr. Hpung in a rak sim.

          Parish thar ih tuah pek mi Zang Yaw Parish cu tlang pawl, thingkung tampi, nikhua dai, le a ciarnak hmun pawl in a khat. Curuangah Myanmar ram ah cardamom kung pawl ciinnak ding hmun thabik sungah a tel ve. Zang Yaw cu China thawn a nai ruangah, cui hmun ih um tu mipi tamsawn in black cardamom an ciing ih China ah a rah pawl an kuat theu.

          Puithiam in, “black cardamom cu pakhat le pakhat karlak ah pi 15 hla in ciin a theih. Kung 30,000 hrangah area 200 a tul. Kumli rei hnu ah a rah a cuu. Kum 15 luan an nung thei,” tiah a rak nemhnget. Hi project a tumtah mi budget in a daih hrih lo.

          “Hi project hrangah sumpai ngah daan ka hawl a tul. Tu ahcun, tui kum hrang lawng budget ka nei lai,” tiah Fr. Hpung in a rak simfiang. Covid pulhnat hlan ah, Zang Yaw ih mipi pawl le kiangkap khua pawl ih cardamom kung an ciing tam; Asinan, China lamzin pawl khar a si ruangahleiram kauh cu an cawl.

          Cardamom kung an rinsan zet vekin, an nitin nunram ih sumpai an ngah har zet. Fangcang ciin an tum sal. Cui khua mi A Nyi in, “tu ahcun Zang Yaw mipi pawl in cardamom kung lawng reipi rinsan a ngah nawn lo; Plan B dinhmun in fangcang an ciing rero,” tiah RVA ah a rak sim.

          Puithiam in, “cardamom cu kan nitin tulsam mi pawl hrangah a tul. Cu mi cu rawl dawr pawl ah an hmang tam zet. Hi tawk ih mipi pawl in tam deuh ciin ding an hreh zet. Ziang tluk in hman a tlak ih a thahnem ti ka hmuh duh. An thei ih ka dung in thlun theinak dingah ka tuah hmaisa a tul,” tiah a rak langsar ter.

          Fr. Hpung cu Radio Veritas Asia Kachin Lisu Service ih former coordinator pakhat a si. Zang Yaw khua cu Myanmar ram saklam, Myitkyina ihsin peng 370 hrawng a hlatnak ah a um. Khua cu hmun hla zet a si ruangah a fehnak lampi khal a har zet. Mawtaw le ke in cui khua thleng dingah nili a rei. Mawtaw in nihnih a rei ih lamtluan ke ih feh dingah nihnih a rei.

          Hi thuthang cu RVA thuthang ih kan ngah mi a si.

https://bit.ly/3K1JD3O