A kak mi bel leTidai khaitu pai thuanthu tawi

A kak mi bel leTidai khaitu pai thuanthu tawi

          Veikhat laiah khua pakhat ah tikhai tupa pakhat a um. A nih in bel tumpi pahnih cu a liang khallam khalam ah a ret ih ti a khai theu. Bel pakhat cu malte a kak. Bel cu a him lo, tikhur ihsin a inn lam ih ti a khai tinten a zun. Cutikah inn a thleng cun a hrek lawng a um theu. Bel pakhat tu sawn kha cu zianghman a kuai lo. Cutikah tikhur ihsin ti a khai tinten ti a khat ringring. Cutin in inn a thlen tinten bel pakhat tu in a hrek lawng a um mi cun ti a khai nak kum hnih hrawng a rak rei. Cutikah bel tha tu cun a mah le a mah a rak porh aw zet. Kei cu ziang hman ka pem  lo… curuangah tampi pi ka khai thei tin ruah nak a rak nei. A kak mi bel te cu a mah le amah a tha a rak nau zet. Aw… keimah ah famkim lo nak ka nei… midang vekin a khat ka khai thei lo… a hrek lawng ka khai thei tin a riah a sia zet. Cutin nikhat cu a kak mi bel te in tikhai tupai hnen ah a sim. Ka Bawipa… ngai thiam ka lo dil duh. Keimah le keimah khal ka ning a zak zet Bawipa nangmah lam in cu na ti thei tawk in na tha na suah ih ti na khai. Asinan keimah hnen ih a kak mi te ruangah na kai mi te cu a khat a si thei lo… a hrek cu a lak men ah a cang tin riahsia tak in a sim.

          Cutikah tidaikhai tupa in ziang a ti tile “Bel… zoh hnik aw… ti ka kai nak lamzin tluan ah na um nak lam tluan cu pangpar pawl an par a theih teh na thei maw… a ti. Kei cun tidai a zunlam ka thei. Curuang na um nak lam ah pangpar ci pawl ka vorh. Kumhnih sung rori tidai ka khai ih ka tlun lamah hi pangpar pawl cu ti in tawh sak ringring. A tu ah cun zoh hnik… a mawi zet mi pangpar pawl an par zo. Inn ah tla pangpar ret nak bel pawl thawn pangpar ka tthu thei zo. Nangmah na um lo a si le hi pangpar pawl thawn inn mawi zet a si thei ding maw si ruat hnik…tiah a ti.  

          Hi thuanthu ih in sim duh mi cu mi tinkim ah tha mal nak kan nei cio. Asinan cui kan thamal nak kan neih ruangah kan bangawk lo nak kha that nak a can ter. Duh a nun sinsin nak a si. Hi tha mal nak zawn ah that nak a can ter. Asinan a langsar lo tla si mei thei. Tu rori in kan ngah lo tla si mei thei. Casiar tu zate parah lungwinak tampi kan nei. Pathian in thlasuah lo pe hram seh. Amen.