Mai caan a thlen tikah khua saupin na ruat thei ding maw?

Mai caan a thlen tikah khua saupin na ruat thei ding maw?

       Khuahlanlai ah Cho Siangpahrang sanah Tuluk ram ah Siangpahrang kilhim tu thiam nak sang nei tu Laungyo in a kut tang pawl thawn minung tam nak lamzinpi ah duhdawt nak thu an rak phuang.  Cui caanah Tuluk ram, nitlak nak lam ih misual pawl ih thawi le lon nak pawl a lar lai caan asi ih cu pawl do sal ding in an zuam lai caan khal asi.

             LaungYo in minung pawl parah duhdawt nak nei ding. Hmunram, mi dum, mi ngo  miphun thleidang loin thinsau ding hmunkhat ten thlacam tlang ding cutivek pawl kha a sim. Cuicaan ah Laungkong timi mino pate pakhat a ra thleng ih LaungYo kha zianghman bia lo in a hmai ah a beng.  Minung tampi hmaiah le si fawb a kuttang pawl hmai ah le sifawn ih LaungYo cu a ning le a zak, a thin le heng ih a kuttang pawl kha cui mino pa te kha kai uhla na pin nun sim uh tin thu a pek. A kuttang pawl in Laungkong kha thi suak tiang an thawi ih an thong ciamco.           Kiangkap ih minung pawl khal an ra suak cupco ih an then. A luat zo mi tlangval pate Laungkong cu hnisaimsi ten LaungYo ih donhleisang par ah a kai. Cu theh le mipi pawl kha a vun auh. Hi tawk ah ka minungpi pawl a ti ih mipi pawl khal in thinlung la tak in an hun zoh hai. Mifim Laungyo ih sim mi minung pawl parah duhdawt nak nei ding, hmunram, mi dum mi ngo miphun thleidang lo in nan tuar ding, hmunkhat ten thlacam nak tuah ding tivek pawl a sim mi kha a dik ko. Tong phah in a kaa ihsin asuak mi thi pawl kha a hnawt phah. Cule thi a kai mi a kut kha thlir phah in hi mi hi hmai a ra beng hlan ta asi ati. Miburpi pawl cun an zaten an kut za an beng theh hai. Nauhak pa cun LaungYo lam a her ih a tong, nangmah vek hmunhim nak hmun ah um ngah ahcun zokhal duhdawt ding cu a ol. A sinan mi hmuahhmuah kha nangmah vek in an um ngah lo kha thei aw. Na caan a thlen tikah khua saupin na ruat thei ding maw.

#credit