Laak vek minung pawl kha el ciamco hlah

Laak vek minung pawl kha el ciamco hlah

Laak pakhat cu Pawpi hnen ah hrampi cu a pawl asi tin a ti. Pawpi khal in hrampi cu a hring sawn asi tin a ti ve. Nasa zet in an el awk ciamco ih mi pakhatkhat ih thencat sak ding in ramsa siangpahrang a si mi Kiosa hnenah an feh. Kiosa hnen an thlen in laak in a  thokih Ramsa siangpahrangpa, hrampi ti mi cu a pawl a si lo sawm cu mi kha Pawpi in i el ciamco ati.

I kawk sak aw siangpahrangpa tin a sim hmasa deuh. Kiosa khal in Pawpi kha kum nga  sung daiten um ding tin cawhkuan a pek.  Laak cu neh tu ka si tin nuam zet in a tlan. Pawpi khal in cawhkuan kha a cohlang ko nan Kiosa kha siangpahrangpa hrampi cu a hring ti na thei ve ko mi ziangah cawhkuan i pek tin a sut.

 Kiosa in hrampi a hring ti cu a dik tuk panteh. Sinan hrampi hring a pawl ti el awk khal le ziangthat nak a um hlei. Nang vek mithiam pakhat din hmun in hi vek mi aa laak kha el ih caan na cem ter mi kha a sual. Curuangah cawhkuan ka lo pek nak a si a ti.  Cuhleiah in ra hnaihnok bet lai tin a ti. Curuangah kan nih khal a thupit lo nak hmunram ah daiten um kha el awk rero hnak in a tha sawn.