Lian nak men in na nuam aw men maw?

 Lian nak men in na nuam aw men maw?

Veikhat lai ah milian zet mi mipakhat in a neih mi nuam nakih to mi Tinbaw (Long) a to ih khual a tlawng. Hmun nuam pakhat ah a cawlh laiah mipakhat nga a kaih rero kha  a hmu. Milian pa cu thei paih zetin a zoh rero. Cu pa te cu ngate 3, 4 a ngah ih kai bet nawn lo in hahdam ten a it. Zaan lam ah nga pawl cu a lak ih a tlung. A thai sun khal kha vek thotho in a tuah. Cutikah milian pa cu tlangval pate hnen ah a ra.

 Cu theh in a mah le a mah theih ternak a nei ih cu pa cu a sut. “Nang ziangah saw ni khat ah nga 3, 4 na ngah le na kaih bet nawn lo” tin lungkim lemlo aw thawn a sut. Tlangval pa inkhal hni phah in “Nikhat ei ding ka ngah zo ruangah ka kai nawn lo” tin a sim. Milian pa in khal “Na din hmun in na kaih bet a tul. Cu lawngah nga tampi na ngah ding” a ti.

Tlangval pa cun “Nga tampi ka kaih ngah le ziangtuah nakah maw” tin a sut ih milianpa in “Bazaar ah na zuar ding cutin paisa na khawl dingih sur na lei ding. Sur na lei a si len nga tam sinsin na ngah ding. Cun nga pawl na zuar ding na ngah mi paisa na khawl dingih Long na lei ding. Cu theh in Long thawn nga na kai ding. Cutin cet thawn tuah mi long na nei ding. Cet thawn tuah mi long in nga te na kai dingih nang khal keimah vek in na lian ding ih nuam nak ih to mi long na lei thei ding” a ti.

Tlangvak pa te in a mit kha thep phah in “Nuam nak ih to mi long ka lei dingih zing ka tuah ding” tin milian pa cu a sut, milian pa in “Keimah vek in na leng vak ding” tin a ti. Tlangvak pa cu hrampi par ah a it ih a it phah in milian pa cu tongkam khat te a sim sal. Kei hi tu teh ziang ka tuah tin na ruat “Nunram ah minung si diriam dingin lian lawng ah a si lo… kan um dan kan nunram te kha diriam lungkim thiam dingkhal a thu pi” lai tiah a ti.