Thinlungnat nak pe tu pawl par ah lungawi thu sim aw

                       Thinlungnat nak pe tu pawl par ah lungawi thu sim aw

   Voikhat laiah Tanakha hmuanpi pakhat a um. Nikhat cu hmuam neitu pa in hmuan a kulh phah ah thirhlinghri kha Tanakha kung pakhat parah kom in atem. Kum le thla pawl a rei hnu ah tanakha kung a thang vivo vekin thirhlinghri pawl khal thingkung sungah nuam teten an pil ve vivo. Cutin nikhua a thleng awk ih thingkung nget  pawl in hmuansungih Tannakha kung pawl ah a darhzai ih an thi theh.  Thingkung pawl an thi theh ih thlakhat a rei cun an zaten tihthing ah an cang theh. Hmuan nei tu pa khal a beidong ih cutin a taanta ih khuapi ah a tlan. Fur caan a kim tikah hmuan neitu pa in a hmuan a ra zoh sal. Hmuan neitu pa cu thingkung kungkhat te lawng nungih a hnah pawl a hrin dildel kha mangbang zet in a hmu. Hmuan neitu pa in nai ten a zoh tikah thirhling pawl a pil mi kung kha a rak si. A thei tu ko in a sut hnu lawngah hih kung a nung hi thirhling ruangah ti kha a thei. Thirhrihling pawl an lut tikah Tanakha kung kha thazang a nei ih a pah thei. A leng ihsin a ra lut mi thil pawl kha an dosal tikah an mah ten antivirus pawl an suak ih nget nak pawl kha a suak thei nak asi.  Khai thingkung hma natnak a pe tu thirhrihling pawl ruangah a nung thei nak asi. Leitlunpi khal hivek thotho asi. Leitlun harnak timi thirhrihling ih pek mi hriamhma a tuar ko nan cumi hriamhma kha tuar thei in kan pahtlang thei ahcun nun nak, thanlian nak, hlawhtlin nak timi nuam nak pawl kan co ngah ding asi.