Sinak hngilh tu MaiMai

 Sinak hngilh tu MaiMai

  Voikhatlai ah khua pakhat ah a mawi zet mi MaiMai timi mifarah fala pakhat a rak um. MaiMai cu a hmel mawi zet nan  nunram ih pek mi ah a vansia.  Ei inn ding hrangah kawl sunhlu a zuar ruangah Kawl sunhlu zuar tu mi MaiMai tin an ko theu. Nikhat cu khua le ram a hal  tu siangpahrang pa in Kawl sunhlu zuar rero tu mi MaiMai kha a hmu ih pasal a nei zo maw nei hrih lo kha a sut.  Pasal nei hrih lo Fala a si kha a theih tikah mi MaiMai kha siangpahrang bawinu ah a tuah. Mifarah nute mi MaiMai ih van that nak a thleng thlang. Caan a rei deuh tikah a ngah mi sinak lian nak pawl parah mi MaiMai a nuam awk thlang. Siangpahrang inn pi sung ih a lut thok ih cui sung ih um tu pawl thawn  kom aw zet in an biak awk  nan nuam teten mi MaiMai a hngal thlang. “Kei mah vek leitlun ah an um nawn maw” tin a puarthau. Siangpahrangpa cun mi MaiMai kha a duh tuk ruangah ziang hman a ti siang lo. Nikhatkhat ah cun a thin sal ko ding tin a mah le mah a hnem awk.

     Nikhat cu Siangpahrang inn kiangah Kawl sunhlu zuar tu pakhat in “Kawl sunhlu  Kawl sunhlu” tin au phah in a feh. Cui aww kha a theih ngah tik ah Siangpahrangpa in Kawl sunhlu puai tuah ding thinlung a nei ruangah a hnenum pawl kha cui sunhlu zuar tu kha a ko fial. Hnen um pawl in Kawl sunhlu pawl kha faiten an kholh ih an pek.  A mah te lawng puai hmang siang lo in Siangpahrangpa in a duhdawt zet mi mi MaiMai kha a sawm ve ih an pahnih ih puai hmang ding in tim a tuah.  Sui le ngun pawl thawn a thuam aw tu singpahrang nupi a si mi MaiMai cu Siangpahrang hmai a thlen tikah “ Siangpahrangpa hi cu ziangrah pawl saw” tin hngal zet in a sut. Cutik ah Siangpahrangpa cu a thinheng tuk ih “ Nunram hngilh tu misual nu”. Hi thingrah pawl cu na nunsung ih na rak zuar mi rah pawl an si kha na thei nawn lo maw. Ka innpi le nang vek sinak hngilh tu na tlak lo. Curuangah a zangah veiza a hmailam ah veizaa vuak ih thlah ding in thu a pek. Cawhkuan pawl sungkua hngilh tiang a tuar hnuah mi MaiMai cu a hlan a nun hlun ih a rak zuar mi Kawl sunhlu a zuar sal asi.

Kan nunram kan hngilh nak in thansonak in pek lo vekin kan hmailam in pit ter tu a si thu kha mang sal uh si.