Na thanau pang hlah aw

Na thanau pang hlah aw

          Dingfel nak a nei tu cu mi ih zoh siat an tuar cuang. Theih thiam nak a pe tu cu mi ih bum nak an tuar cuang. Innsungsang ah theih thiam nak a nei tu cu an bang hleice cuang.

          Ruapi pawl lakah theih thiam nak a neitu cu sunnak an tuar cuang. Fel fai zet ih a zuam tu cu mi aiin an har cuang.

          A ngaingai ih taimak ih a tuar tu pawl cun hi lungput  cu tha ten an thei ko nan mi menmen pawl cun an thei thiam lo.

          A um vivo lai ding. Dingfel lomi in ding fel lo zetin thil an tuah ding. Dingfel mi pawl cu khuitawk hmun an thleng tik khal ah an dingfel ding.

          Mi duhdawt a thiamtu in an duhdawt vivo ding. Mi a huatu in an hua vivo ding. A zuam lo tu in sual nak lawng an hmu ding. A zuam tu cu an sungih an bang si khal le an zuam vivo ding.

          A nih cu hitin kei cu hitin ti mi pawl kha caan cem men in tong rero a tul lo.

          A zawh mi lam a thleng, ka zawh mi lam ka thleng si ko.

          Ka rual nunramah na naa hleice, na sung hleice, na bang hleice caan ah na thanau hlah nang cu midang ai in thiamnak na neih hleice ruangah a si.