Nun a lo simtu kha upat tihzah  aw

Nun a lo simtu kha upat tihzah  aw

          Leitlun ah a lo hnih san tu ai in nun a lo simtu an mal te ding. Ziangah ti le mitam sawn cu hminsiat thlakih mi pakhat nun va sim rero ding an paih lo.

          A san cu mi hrekin nun sim cu an duh lo theu. Minung ti mi cu misual lo kan um lo vekin mi famkim khal kan um lo. Kan tul sam mi pawl kha duhsaknak thawn nungin sim in remtu cu zakhat ah pakhat lawng an um ding.

          Hnih san ti mi cu thinlung a tel lo tla si mei thei. Nun sim ti mi cu a hman. Duh saknak a tel tengteng ding. Mah nun in sim tu pakhat a um a sile rualpi zakhat ai in man a nei deuh. Curuangah nun simtu kha upat tihzah aw. Beidong dingin tuah pang hlah.