Tangdor nak thawn zir aw

Tangdor nak thawn zir aw

          Kan nih pawl cu “Kei” ti mi hngal nak cu hlon a har zet. A thupi bik ah thil fa tete theihnak kha leilung pi tia ih a ruat tu pawl cu porh aw zetin zawi sim mi hman ngai lo in ka sim mi lawng si, a hman tin an ruat theu.

          San a dang vekin theih nak pawl khal a dang aw. Asinan mino pawl ih sim mi pawl kha ngai lo in hitin tengteng ti lungruh tu upa hrekkhal tla an um. Kan mah pawl cu kan hman ringring lo.

          Ziangtluk a thiam a si hmanah hrekkhat hmunah cun sual thei, rinlopi thil cang khal a um thei a si. Hi cu minungih um dan a si. Curuangah tangdor zetih zir duhnak thinlung neih a tul.

          Mah ai in upa, nauhak ruat lo in zir tha a sile, cawn tha a sile nauhak hnen in khal siseh cohlang ih zir thiam ding a tul. Cuti lawng ah mah cu fimthiam hleice pakhat ah a cang thei ding.