U nau si khal le thinlung that lo ah cun komtuk lo kha a thabik.

U nau si khal le thinlung that lo ah cun komtuk lo kha a thabik.

   Voikhat ah mi pakhat cu  a caw kha a that ih inn ah a cawsa a em. Cuihnu ah a duhdawt mi pawl le inn hnen pawl kha do dingin a fapa kha a ko ter.  A fapa cu inn in lamzin pi ah a feh ih “ i bawm uh hi tawk ah ka pai inn a kang ih i bawm uh” tin au in a ko. Mal te a rei in mihrek cu an ra thleng ko nan a dang mi tamsawn cu bawm nak a dil mi kha thei lo vekin an um.  A pa in mangbang zet in “ Ka fapa te tu a ra tu pawl cu voikhat hman ka hmuh dah lo mi midang pawl an si ual kan sungkhat pawl le kan theih mi kan rualpi pawl le an tel lo” tin a sut.  A fapa in “ Ka pa hi tawk ih a ra tu pawl hi inn khang meisa in ra mit sak ding ih a ra mi pawl an si puai ih ei inn ding ih ra mi an si lo a ti an mah pawl kha cawsa em thawn siang zetin kan do ding” tin a sim.

     Minung pawl kha harnak timi buai nak pawl thawn hniksak in kan zoh tik ah an thinlungsung ih an thuh mi pawl theih a thei. Nuam nak lam ahcun feh tlang ko nan harnak lam feh dingin duh nak an nei lo. Nuam nak cu hlawmawk an duh nan harnak cu hlawm dingin an cohlang lo hi leitlun dan asi.

    Ngaingai ah cun kan harsat nak pawl kha hlawm tlang tu ding rualpi an um pang ahcun thlah siang hlah. Cuvek ih rualpi tha pawl kha kan nunram sungah hman ten man nei zet ih ret in kutkai tlang in um ding asi. #crd