Olsam ten ttong hlah

  Olsam ten ttong hlah

          Nunphung ti mi ah ttong ti mi cu a thupi bik mi a si. Ttong kamkhat ruangah mi pakhat kha harsat nak a thlen thei vekin mah khal ttong daan thiam lo ih ttongkam khat lawng ti mi minung an um ruangah tong kha olsam ten ttong cu tih a nungzet a si. Kan lai pupa ttongfim khal ah ttong kamkhat in Siapi man an rak ti. Ttongkam khat ttong sual ruangah siapi tiang a rak kuan tu an um a si.

          Hrekkhat lemcan nak le nunram ngaingai ah khal kan tong theu ko ding. Relsiatnak tongkam ruangah mah le mah thah awk nak thil cang pawl, zuamtaih nak ruang ih miding fel pawl khal mithang siat vek a si. Curuangah tong kha ziangtik hman ah ralring lo tuk ih tong ding a si lo.

          Ralring zet ih tong a si hman ah a ti can phunhnih in mai ti duh san lo mi thu khal a can thei lai ruangah tong ti mi ah cun tong hlan ah tha ten ruat in ralrin a tul.

          Tahthim nak ah hrekkhal nulepa cu mai fa te hmat a mal ruangah midang thawn va tahthim ciamco ti pawl, kawk tuk a si le nauhak kha thinlung lam ah siatsuah nak tampi a cang ter thei.

          Curuangah ttong kha ol sam zet le ruat lo tukin ziang tik hmanah ttong hlah hi cu mifamkim pawl ih an tuah dan a si lo. Caa tam pi siar ih ngai tam a sile ttong lam ah ziang ti vek in tong ding ti kan thei thei ding.