Mah le mah rinsanawk ding

Mah le mah rinsanawk ding

                   Hlawhtlin nak a um lo tu cu nung nacing in mithi vek a si. Mitinkim ah mah le mah rin awk ding tuanvo mah cio ah a um.

          Curuangah fim nak ti mi cu ziang tik hman ah zir cem ti um lo an ti nak cu a si. Tuisan  fim nak ih thiam hleice mi pawl, a ngaingai ih mifim pawl, mi hlawhtling pawl kan zoh a si le an mah le an mah an rinsan awk nak hnatuan kha ziangtik hman ah an cawl dah lo.

          Cauk pawl, thiam nak pawl, minung pawl, kiangkap pawl cu vek pawl a dangdang a hram in zir phah, hawl phah in an mah le an mah pakhat hnu pakhat an khaisang aw ih an hlawhtling ter aw a si.

          Curuangah hi zat kan thlen le a tawk zo ti mi ttong kha ziangtik hman ah an tong lo. Zir nak ti mi cu cem ni a neih lo ruangah mah ih thinlung ruah dan, um dan, tong dan, fimthiam nak, theih kauh nak, hmuh ton nak hmuahhmuah kha ziang tik lai khal ih rinsan ding kha hngilh hlah aw.