Lolak (Zero) in thok aw

Lolak (Zero) in thok aw

          Ka sayapa pakhat ih in rak sim dah mi a um. “Leitlun ah zirh a har bik mi cu mal te lawng theih mi kha thungai ruat ih a zatei thei thluh vek in a ngaingai ah le ziang hman fiangfai te a thei lo mi minung pawl an si” a ti.

          A hlan ah cu ziang a sim ti zianghman ka thei thiam lo ko nan neta lam ah hmuhton mi minung khal an tam tikah saya pai sim mi cu a hman ngaingai ti nuamte ten ka thei thiam vivo.

          Veikhat veihnih kan theih mi sihmui ci tia te pakhat kha leilung pi tia lai in ruat in midang sim mi, ruah nak pek mi, zirh mi pawl kha cohlan duh lo caan khal a um theu.

          Cu mi caan ah a ngaingai ih ngah ding mi kha ngah nawn lo in mah ih covo kha siatsuak vek ah a cang. Curuangah thil pakhat khat kan zir tikah kei ziang hman thei hrih lo, lolak in thoh ding ka si ti mi thinlung neih a sile zir mi parah kan hminsin thei sawn ding a si.

Nunsimnak