Caw thawn a bangaw duhtu Butlak thuanthu tawi

Caw thawn a bangaw duhtu Butlak thuanthu tawi

               Voikhat laiah tikhur pakhat ah butlak  pawl an um.  An um nak tikhur cu minung pawl um nak thawn a hlat aw.  Curuang khal ah butlak burkhat pawl cu minung, sia, caw, uico ti vek ramsa pawl khal hmu dah lo in an um. Nikhat cu mit vai ih lamzin sual tu caw pakhat cu Butlak pawl umnak tikhur ah tidai a ra in. Butlak pawl cu caw an zoh ih an mangbang tuk. “ Ha a tum zet mi ramsa pi a si ual.  Kan nih cu a keneh sung hmanah ti leuh tla a ngah”  “A hlan ahcun U butlakpi kha a tumbik tin kan ruat tucu hi ramsa pi hi a tum ti kha kan thei thlang.

A mah thawn tahthim cun butlakpi cu siko” Butlak pawl cutin an tong rero laiah butlakpi a ra thleng. A nih cun hi tin a sim “Hey nan rel mi ramsa cu ziangbik saw asi.  Leitlun ah kei mah hnak ih tum ramsa an um lo ka tum bik” tin a sim phah ah a taksa kha thli thawn a tum ter. “ Nan hmu maw tu nan hmuh mi ramsapi thawn kan bang aw thlang si lo sawm” tin butlakpi cun a  taksa zaten a tumter mi kha an zoh ih a dang butlak pawl cun an hnihsan.  “ Tu na tum ter mi cu kan hmuh mi ramsa ih ek tia hrawng lawng asi” tin an ti. Cui ttong a theih tikah butlak cun a taksa kha tum sinsin ding in a tuah. 

Butlak dang pawl in an hnihsan “ Haa haa khi ramsa pi ih keneh sungah nangmah vek pathum li lai um a theih” tin an ti.  Cui caan khalah butlak cun tum thei zat hnak ih tum in a tuah lala. Butlak cu a taksa tum ter, tum ter in neta bik ahcun a tangkuai ih a thi. Curuangah midang thawn nan bangawk lo ding kha thinphang hlah.  Midang tuah ruang ih tuah ve tu si ding kha phang sawn aw. Casiar tu zate parah lungawinak tampi kan nei.