Biakinn ih khawm ringring nakih that hnemnak

                          Biakinn ih khawm ringring nakih that hnemnak

1.  Thinbang nak a mal ter.

Biakinn a feh ringring tu pawl cu midang ai in thinlung ruahnak lamah an harhdam tin zinzoi nakih an theih mi a si. Biakinn feh nakah himi pawl an thei lo ti cu a si lo nan Pathian ih inn sungih kan luh caan ah Pathian hnenin kan mah pawl ih ruahsan nak, Pathian ih hnem nak pawl kan ngah sal a si.

1. Komawk nak

Pathian ih fale kan si cun rualrem te hmunkhat te ih um ding a si. Caw an thenthek awk tikah pawpi in a deh vekin mah lawngih a um zumtu pawl cu thinlung lam, ruah nak lam ah hleice in do nak a tam theu.

Hmunkhat te ih bible ca siar nak, thlacam nak, thangthat nak pawl cu Christian nungram thangso dingih a thupi mi pawl an si. (Tirhthlah 1:14)

1. Hmunkhat te ih biak khawm nak

Rundam nak ti mi cu mi pakhat cio hrangah a si ih biak nak thangthat nak ti mi cu mi tampi thawn hmunkhat ih aw tinkim thawn thangthat thei nak a si.

Mi pahnih siseh, pathum siseh, nan pumkhawm tikah nan hnenah ka um a ti a si. (Mt 18:20)

1. Pathian ih pek mi laksawng pawl kha hman thei nak kan neih nak

A langsar lo mi kan thilti thei nak pawl, laksawng pawl kha kan hmang ih Pathian ih ram hrangah thathnem nak pek thei dingin hman thei nak kan nei a si.

“Pathian laksawng dangdang kengtu tha bangtukin a hnenihsin nan ngah mi laksawng cu midang thatnak hrangah hmang fingfing uh.” (1 Piter 4:10, 1 Korin 12:7 )

1. Fa le pawl kha Pathian thu thawn theihter awk nak

Nui pum sungih an sem lai ihsin nauhak pawl cu ttong an theih zo ruangah nau vunlai ihsin bible siar nak, biak nak thangthat nak pawl ih tel cu a thupi zet mi thil a si.

1. Pakhat le pakhat thazaang pek awknak

Veikhat veihnih leitlun minung pawl thawn komawk caan ah zumnak a sawn ter tu tongkam pawl, zum nak a peng ter mi tuah daan pawl thawn in kulh ngah nak pawl khal a um ding.

Curuangah Biakinn ah Pathian thu thawn pakhat le pakhat kom awk nak, tha pek nak, nunram dingsal nak pawl cu a tul mi a si. (1 These 5:11)

1. Duhdawt nak, ngaithiam nak pawl zir nak

Hrekkhat in an ti theu, khai kawhhran cu tiaw ter pawl an tam tuk cu e kha e tin… kawhhran ti mi khal kei le nang vekin a famkim lo mi milai pawl thawn din mi thil a si ti kha theithiam in, Pathian in kan mah pawl in ngaidam vek in, dingfeltu, thianhlimtu ti, in hmuh vek in midang khal Pathian ih in hmuh vekin hmuh thei ve ding a thupi a si.

1. Hohat nak lam thawn pehpar mi pawl zirthei nak

Biakinn ah punghman in tel ringring a si cun Bible cathianghlim siar dingih hohat nak, thlacam hruai nak, hotu dinhmun ih tuah nak pawlah tel thei nak kan ngah cu pawl a um.

Cu pawl in mihmai ih kan din tikah mah le mah zum awk nak pawl, mi tampi hmaiih tong ngam nak ti pawl in nei ter a si.

1. Minung pawl kha Pathian thawn theih ter nak

Biakinn a thleng nawn lo mi zumtu pawl, Pathian kha zum hrih lo pom hrih lo mi pawl kha Biakinn ah hruai in Pathian thawn theih ter nak caan pawl kan nei.

Tuah lo theih lo mi pawl cu zumtu pawl hrangah a si. (Mt 28:19-20)

Ka rual ziang ruangah na khawm nawn lo?

1. Hnatuan buai tuk ih.
2. Bang tuk ih.
3. Thuthangtha sim tu duh lo ruangah.
4. Feh a tul lo ruangah.
5. Hnatuan tul.
6. Online in kai a theih.
7. Online in mah ten bible pawl zinzoi a theih.
8. Khawm cu zangzel um tuk.
9. Kawhhran pi pawl in in ti naa tamtuk.
10. An mi hoha dan duh lo ruangah.
11. Cu mi a rem cang lo ruangah.
12. Caan ka neih lo ruangah.
13. Tulsam mi pawl a famkim ti pakhat hman a um lo ruangah.
14. Pathian par ih thinnat ruangah. Tahthim nak ah Covid caan ah Pathian thu a duh zet tu ka pa a thih ruangah.
15. Biakinn khawm ruangah sualthlah nak caan ngah ding.
16. Sacrementu sang thei nak, upat nak caan ngah cupawl an si.

Ziangziang a si khal le Biakinn, biak nak caan pawl feh tengteng dingah lo forhfial ka duh.