Pope Francis in mino pawl hnen Carlo Acutis vekin Eucharist ( Bawipa thi le sa) thupit dingah sim. (September 17, 2024)

Pope Francis in mino pawl hnen Carlo Acutis vekin Eucharist ( Bawipa thi le sa) thupit dingah sim. (September 17, 2024)

Pope Francis in tlawngkai nihnih ni ih mino pawl hnen ca a kuat mi ah Bawipa thi le sa kha thupit in Blessed Carlo Acutis kha mino pawl in cawng dingah a rak forhfial.

Blessed Carlo ih simvekin Bawipa thi le sa cu Vancung ram fehnak lamzin a si tiah Pope in September 17 ni ih a suah mi diocesan World Youth days hrangah a rak ngan mi a si.

Pope in Carlo in a zumnak lamtluan ah a ton mi nitin a thupi mi pawl parah thazaang a petu  Bawipai thi le sa hmaiah ziangtin thla a rak cam tiah sawhkhi in a rak sim.

Pope in nan zaten  a tumzet mi Bawipai thi le sa ih Laksawng kha hawl sal uh tiah thazaang a rak pe.

Pope in Acutis cu kum 2000 hnu ih a hmaisabik mithianghlim dinhmun in a reihlan ah namhnget a si ding thu kha tetti ah lam a rak hmuh.

Kum 2006 ih Cancer natnak thawn nunnak a rak cem tu Italy miphun tleirawl te cu Bawipa thi le sa ah Bawi Jesuh hnen a thlen nak,  a mai rinumnak ruangah mi theih tam mi a si. Carlo cu a mai umnak vengih a um mi Biakinn ah tlawngkai lai ah nitin Missa sumnak ah a rak tel ih a mai tumtah mi cu Bawi Jesuh thawn komaw ringring dingah tiah a rak langter.

Pope Fracis in thal lai ah Acuitis ih thlacam saknak ruangah mangbangza langnak a pahnihnak kha a rak ngamhnget ih Catholic Church ih 2025 Jubilee ah a mai mithianghlim cannak ding lam a rak hmuh.

Pope Francis ih ca ah a ralai ding mi leitlun  diocese mino pawl ni November 24 ni  Christ the King Puai ni thlen hlanah a rak suah mi a si.

Catholic Church in 1985 kumah St.John Paul II ih a dinthok lai in diocese tin ah kum tin an rak tuah.

Pope in a mai a kuat mi ca ah Bawipai thi le sa ih a hlu zet mi laksawng cu khawmzawhtu nunram ah kan fehnak lamtluan ah a um ih Pathian in in pek tiah a rak sim. Hi thu hi Catholic news agency thuthang in a tawi zawngih kan ngan mi a si. Nan zate parah Pathian thlasuahnak um hram seh.