Zuam aw

Zuam aw

          Nungram ti mi cu thlengawknak pakhat khat ruangah sun nak a um thei vekin then awknak khal a um thei.

          Hi mi pawl cu nunram hrangih cahnak a si. Hnatuan ti mi ah sunnak le hlawhtlinnak a um. Thinlung ti mi in mi pakhat ih nungram kha a tla siat ter thei.

          Ziangkim hrangah hmuh a theih hrih lo mi kha sung nak pe dingin khua hmu lo, mi dam lo pakhat kan si lo ti mi kha ruat sal aw.

          Nungram ti mi cu zuamnak hrangah cun zalennak ti mi cu, remcang nak ti mi cu a um vivo lai ding. Puitling mi pakhat a si tu in ziangkim kha a nunram thawn pek aw ding ah a hung puitling mi si.

          A cangthei lo, a canglo ti mi cu mipakhat ih thinlung kha a ringring in a tla ter. A cang thei lo mi hmuh nak sungah a cang thei mi zin kha hmu thei hrih lo, zoh thei hrih lo mi dinhmun a si.

          Nungram ti mi cu kaililawn vek harsat nak pawl thawn kal khat hnu kalkhat feh thei lawngah nungram hrangah kan duhzet mi hlawhtlin nak kha kan thleng thei ding.

          Hlawhtlin nak ti mi cu zuamnak a nei mi pawl hrang ahcun thlanmual vekin in rak hmuak ringring.

          A ngaingai ah cun ruah nak puitling ti mi cu a mah ten a cang mi a silo leitlun harsat nak pawl kha nunram thawn pek awk hnuah hlawhtlin nak ti mi kha neih a si.  Pek mi caan pawl, thinbang nak pawl thawn ni le thla le kum sung ih zuam nak pawl cu nunram thazaang hrangah laksawng pakhat a si kha kan theih ni ihsin thil ziangkim kha hni siamsi te a pahtlang thei tu kan si ding.

          Thinlung pacang mi pawl cu thil ziang kim kha hnisiamsi tei an pahtlang thei vekin thinlung a hnget khoh mi pawl cu ziangkim ah sinak kha a mah kel ten a feh pi tu pawl an si.

          A cang lai ding mi kha to ih hngah a si le to ih hngah nak lawng a suak ding.

          Nungram ih in pek mi a phi (san) a si lo.