Belgium ram Brussels khua ih Bawipai  thi le sa langnak (Sangreu)

bawipai_thi_le_sa.

    Belgium ram Brussels khua ih Bawipai  thi le sa langnak (Sangreu)

        Hih mangbangza cu kum 1369 ah a cangmi asi.  Jonathan timi Juu miphun pakhat cu Brazil ram in peng 15 a hlat nak Enghien ti hmin a nei mi khua te ah a um. Jonathan cu louvain  khua mi Jeain ti mi rualpi pakhat a nei. Jonathan cu catholic kawhhran asi mi Jein kha bawm nak adil theu. Catholic biakinn ih sangreu kha lak sak ding in a si.  A sinan Jeain in a thok nak ahcun a el nan Jonathan ih dil mi cu a lak sak a si le cu Ngun tangka 60 pek ding in thutiam nak a tuah.  Cu zat ngah ding a duh ruang ah Jeain cu khua ih biakinn pawl kha a zoh ih minung suah luh nak a mal deuh nak biakinn ih a tul mi sangreu pawl fir ding in thu a botcat.  Netabik ahcun minung mal ih minaa pawl sangreu thluasuah pek ding ih a hleice ih an ret mi St. Catherine biakinn ah kil tu an um lo ruang ah zaankhat cu kai nak a don ih sangka te kha a khuai ih biakinn pulpit kiang ih sangreu an ret nak sangkaa a ong.

          A sungih Sui khuathai (Chalice) sungih Sangreu a fate 15 le a tumpi pakhat kha a hmu ih a phorh.  Hivek ih hlawh tling zet in a lak ngah hnu ah Enghien khua ah a feh ih a rual Jonathan kha a pek ih an thutiam vek in ngun tangka 60 kha a ngah.  A rei hlan ah Jonathan cu a pangpar hmuan sung ah a fapa ih hmai rori ah thah atuar.  Jonathan a um nawn lo ruangah Jonathan ih nupi cu sangreu pawl kha   Brussels khua ah a keng.  Kum 1370 October 4 sun Good Friday ni ah Juu miphun burkhat in an ngah mi sangreu pawl kha cabuai pakhat  par ah an ret ih an cam ciamco hai.

          Cui hnu ah nam te thawn sangreu kha an sat ciamco. Rinlo pin an zate hmai ah thisen a luang. Hi mi a hmu tu pawl Juu mi bur hrekkhat cu an ken mi nam te pawl kha an thlah ih an lau an thin phang tuk hai.  An ngal thluh ziangtin kan tuah ding ti an thei lo ih Catholic Christian a lut tu Catharine ti mi nunau pakhat kha Cologne khua ih Juu mi phun pawl hnen ih thisen  a luang mi sangreu pawl la ding in an fial.

      A sinan Catharine cu thuhla zaten a thei thluh hnu cun a thin nuam lo zet ih Juu pawl ih fial vekin a tuah lo ih Notre Dame Biakinn ih Parish Puithiam hnen a feh ih thuhla zaten a sim theh ih a ken mi thi le sangreu pawl a pek duh thu kha a sim tik ah Parish Puithiam in Bishop pai hnen ah thuhla a sim ih Bishop pa khal in kawhhran upa pawl thawn sangreu kha Catharine hnen ih sin an lak. 

          Sangreu mal te kha Notre Dame biakinn ah an taan ih a tang mi kha kum 1370 May thla ah lamtlun ah an fehpi ih St Michael Cathedral ah an keng tik ah Siangpahrang le siangpahrang Bawinu le a hna tuan tu pawl kawhhran pi pawl Phayawngden pawl an vang ih Pathian hla pawl sak in an fehpi.  Sangreu paruk cu a siat ih pathum lawng a tang ruangah biakinn sungah mitampi ih Biak thei dingin sui khuat (Chalice) ah an ret. Hih thu hla kha an zoh fel theh hnu ah siangpahrang Wengeslas cu sual a nei ti ih phuang aw tu pawl kha meisa ur in a that theh asi. Hi mi thu cu Lashio U Joseph ih ngan  mi sungih sin kan run lo hlawm mi asi.

Add new comment

11 + 5 =