Covid caan ih All soul day hrangah indulgences ngah thei nak lam zin. October 24, 2020

indulgencia_thu.jpg (56.53 KB)

Covid caan ih All Souls' Day hrangah indulgences ngah thei nak lam zin.

October 24, 2020

            Covid nat cu pehbet in leitlun minung thawng tampi a thi ter. Cutivekin November thla cu Nu Catholic kawhhran pi hrangah a thi zo tu thlarau pawl hrangah a hleice thlacam nak ding thla a si. Tui kum November thla cu a danglam hleice ih san khal a nei ding. Daan kel vekin November 2 cu a thi zo tu thlarau pawl hrangah thlacam sak ding ni a siih thlan maul ah meisa vang in mipi thawn feh asi. Cutivekih feh nak ruang khalah mithi pawl hrang lawngah a si lo. A nung tu pawl hrang khalah thlarau lam hlawk nak ngah nak caan tha pek a si. Cui thlarau lam thluasuah cu "Indulences" tiin kawh a si.

            Kawl tong in a felfai bikin sim ding asile "sual cawh kuan nak in luat nak" tin ti a theih. Indulgences phun hnih a um. "A famkim mi Indulgences le a famkimlo mi indulgences" a si. Daan kel vekin "a famkim mi Indulgences" cu November thla ih a hmaisabik thla lawng ah co a theih. A thianghlim mi thinglamta phunsang tlawng (2016, January 9) cumicu zangfah nak le lainat nak lang ter nak dingih a tha zet mi caan a si. Nu Pawlpi cu a nu duhdawt nak langter nak khal a si. Ziangruangahtile sual nak ih leiba le sual nak ih nehhnu a cang mi that lo nak zaten a rulh sak.

            Indulgences co thei nak thawn pehpar in Nu Pawlpi ih a than mi cu "kum upa pawl, a dam lo pawl, mai inn kha kil tu umloin taan a ngah lomi pawl thlan ah midang pawl thawn mah rori feh a ngah lonan thinlung thawn thlacam nak in khal a thi zo tu thlarau pawl hrangah thlacam sak in co a ngah thu, asinan an thlan ih a feh thei lo tu pawl in a tang lam ih lang mi mi thu 3 cu tikcucaan ih pek veten tuah cih ding a si. Cui thu 3 cu,

1. Sual thlah dingah

2. Bawi Jesuh thilesa sang dingah

3. Pope ih tumtah mi hrangah thlacam sak dingah a si.

Himi thu 3 tuah dingah Biakinn ah a remcang lo le Bawi Jesuh zuk hmai asilole Bawinu ih zuk hmai ah tuahin cam ding a si. Himi thuthang cu Rome Reports thuthang ihsin kan ngah mi a si.

https://bit.ly/3e2r7WS

Add new comment

5 + 1 =