Czechslovakia ih Bawipa ih thi le sa mangbangza lang nak

Czechslovakia ih Bawipa ih thi le sa mangbangza lang nak
Kum 1280 ah tuukhal tu pawl in ram ah tuu an khal rero lai ah Czechslovkia ram Slayonice khua ih a cang mi a hman pakhat asi. Lungto an pen nak par ah hrampi a keuh ih cui par ah meisa a kang kha a hlat nak in mangbang zet in an hmuih nai ten an zoh ih cumi meisa alh nak lak ah sangreu a var a hluum mi kha meisa kang nak um lo in a um kha an hmu ih tuukhal tu pawl cun siangbawipa a ko cih. Siangbawipa in cumi Sangreu kha a liam cia mi kum ih zaankhat ah man a nei zet mi Chalic ( Bawipa thi le sa retnak ) pakhat ih ret mi an fir mi sangreu ti kha a thei ih cumi sangreu kha a ken cia mi khuat sung ah aret ih kawhhranpi hrekkhat pawl thawn khuasung ih biakinn ah an fehpi ih khuasung an lut hlan ah cumi sangreu kha a hlo ih tute lungto an pen nak a um nak ah a um sal. Tuukhal tu pawl ih an hmuh zo bang in meisa alh par ah a um lala. Siangbawipa in cumi sangreu a re tum sal khal le a hlo lala ih lungto pen nak meisa alh par ah a um lala. Curuangah Siangbawipa le Kawhhranpi pawl an ruatkawm awk hnu ah cumi lungto par ah Biakinn pakhat sak ding in thutiam nak an tuah hnu ah cumi Sangreu kha an lak thei a si.
Biakinn thar cu a rei hlan ah an sak ih Kawhhranpi pawl le thuhla a thei tu a hlat nak ih Pathian thu a zawh tu pawl ra in Pathian an biak ih biakinn sungah an tlem lo. Hivek ih Pathian thu a ra zawh tu pawl kha Olmutz khua ih Bishop Dietrich cu Induzgence a lang ter vek in Prage Bishop Gregory khal in Induzgence kha a lang ter ve.
Hih biakinn te cu kumzabi 15 tiang a thang zet ih kawhhranpi pawl le Pathian thu a zawh tu thing lo in an ra bia ringring ih Pathian ih thluasuah tla tampi an co. Cumi hnu ah Hussite ti mi hmin a nei tu misuakral pawl le Catholic kawhhran dodal tu Group pakhat cu cumi khua kiangkap ah an tawi rero ih siatsuah nak hnatuan pawl kha an tuah hnu ah biakinn khal an siat. A sinan lungto pen mi cu an siat lo. Misual ral pawl an tlan hnu ah kum 1476 ah cui hmun ah biakinn dang an sak bet asi. Hi biakinn cu Bishop Olmutz in thluasuah a pek. Cumi biakinn khal Church of Christ’s Holy Body tin an ko. Hih biakinn cu minung an tlem lo ruangah kum 1491 ah hih biakinn cu an kauh bet ih Pope pa ih Induzgence kha an congah asi. Himi ruangah Pathian thu zawh tu tampi ra in thla an cam. Sangreu zem bawm ding in Puithiam tampi an ra.
Lungto an pen nak par ih hrampi pawl meisa hlio zet kangvekin a lai ah sangreu an ngah ih veihnih a hlo ih an ngah sal nak hmun ih biakinn zuk an kom cih asi. Hi thu cu Lashio Mr Joseph ih ngan mi sungta kan run lo hlawm mi a si. Casiartu zate parah Pathian thlasuahnak lo pe hram seh.