A danglam zet mi vancung sang thuhla

A danglam zet mi vancung sang thuhla

           1997, June, 12 ah Korea ram Cheju Dioceses Bishop Paul Chang Yeol Kim cu Naju Bawinu biakinn ah a ra. Bishop pa cu midang pawl thawn Bawinu zuk hmai ah thla an cam lai ah a tumzet mi sangreu pakhat kha a parlam in a rung tlak. A tikcuu cu zinglam nazi 11:45 ah asi. Mangbang zetin le lungawi zetin Bishop pa in cumi sangreu cu a biak ih thla a cam.  Cumi hnuah sangreu a lak ih cutawk ih a um mi kawhhran pi pawl kha thluasuah a pek. Cuisin sangreu kha Naju biakinnpi ah cui hmun ih Father pa in a lak ih sangreu ret nak inn ah a ret. Cumi  theh in KwanGju khua ih um Bishop pa ih um nak ah an thin sal.  Bishop Kim in Bishop Yoon kha thil can dan zaten fiang zet in asim.

          Naju khua ih a cangmi sangreu ih mangbangza lang nak vek in tuhi a voi16 nak asi. Himi thuthawn pehparaw in Julia ih hmuhton mi pawl kha a tanglam ta vek in a sim fiang.  Korea ram Cheju Dioceses ih Bishop Paul Chang Yeol Kim le KwanGju bishop um nak ih father Anthony Jung Yong Kim cu Bawinu biakinn ah an feh. Bishop kim le Fr Kim cu Rufino keimah thawn bawinu zuk hmai ah kan biak awk. Bishop Kim in bawipa thi le sa ih a cang  mi sangreu le vancung ihsin a tlak mi a thianghlim mi sangreu kha dang ten ret ding.  Kawhhran sung ah theihthiam nak a mal tuk ih nuam a ti lo thu kha asim.  Bishop pa in tu voikhat bawipa thi le sa lang nak a um sal asi le dang ten him ten kan ret ding tin atong lai ah thinglam tah ihsin eng pakhat arung suak.  Cui caan ah Bishop pa in kan zaten thla kan cam pei a ti hai. An cam lai ah a var zet mi thil pakhat a tlak kha an hmu.  Cumi kha ka kut in  lak ding in ka zuam rero nan a ngah lo. Cumi a var mi thil kha pulpit par ih bawinu zuk hmai ah atlak.  Cuvek ih a tlak laiah a thang zet mi aww kha Bishop, Fr le a kiang ih kawhhranpi pawl khal in an thei.  Cui caanah Rufino in “Aw Bawipa thi le sa...Bawipa thi le sa” tin a au. Bishop pa cu cumi avar mi sangreu kha a hmu ih khuk a bilh ih “Aw a nung mi Bawipa Jesu” tin a tong. Kei khal khuk ka bilh ih mitthli kham thei loin a tlak rero.  Kan khawm pi mi pawl khal an tap theh ve asi.