Julia kim ih thuhla (Part 2)

Julia kim le Bawipa thi le sa thuhla (Part 2)

Nang cu keimah kut kai ih thlacam nak na tuah a si le cu a thianghlim mi ka thinlung kha  na co ngah ding mi minung pawl nan thlengawk lo le tihnung zet mi harsat nak a thleng ding.  Cumi harsat nak pawl cu minung pawl kut in a suak ding.  Curuangah leilungpi cu siatral nak lamzin a pan rero a ti nak a si.  Naju khua ih acang mi Bawinu ih lang ter nak cu Bawipa Jesu ih taksa le thisen a si mi sanghlom thawn an peh tlaih awk asi.  Ziangahtile Julia kim cu Bawipa Jesu ih sangreu a ei tin in a tanglam ih pasarih vek in a kaa sung ah bawipa Jesu ih taksa le thisen ngaingai ih a can kha Catholic pawlpi pawl in an hmuh lawng si lo in zuk le video tla in an zuk asi.(1)1991, May, 15 ah Holy Rosary Biakinn Korea ram Naju khua ah father pakhat hnen in (2)1991,May,16 ah Filip inn ih Father Jerry Orbos le Father Satus hnen in le (3)1992,June,1 ah Rome khua hotel ah korea father Jerry Orbos in Julia adam lo ruang ah a pek (4) 1992, June,2 ah Italy ih Lancian ti mi biakinn ah(5) 1994, September, 24 ah Holy Rosary Biakinn Naju khua thotho le (6) 1994, November,2 ah Kaillia Hawi tikulh ih mithianghlim Anthony biakinn ah Fr Martin Lucia hnen ah le (7) 1994, November,24 ah Naju khua biakinn ah father pakhat hnen in asi.

    Sanghlom cu vancungram ah ziangtluk in a sunglawi man a nei timi tette tampi aum pakhat in kan lang ter a si le cu 1917 kum ah Fatima Bawinu a lang awk hlan ih kumkhat duh ah nauhak pathum pawl kha vancung mi pakhat in Bawipa ih taksa le thisen kha khuathai in akeng ih nau hak pawl hmai ah mal te a ding ih an hmai ah khukbil in a cal kha leilung dai in a kun ih a siar mi cu “ aw a thianghlim zet mi Bawi pathum Pathian pakhat Pa, fapa, thiangthlarau ka lo biak asi. Kei cu leilung pumpi ih a ummi  pulpit par ih a um mi na fapa Bawi Jesu ih a thianghlim mi a taksa le thisen, thlarau le kumkhua nun nak pawl kha upat lo tu pawl hrang ah thawi nak ka tuah a thianghlim zet mi Jesu thianghlim thinlung le Bawinu thinlung ih that nak pawl zoh in misual pawl kha an nun thleng ter hram aw” tin thla acam.  Cumihnuah vancung mi cu a thosal ih Bawipa Jesu ih taksa a si mi kha a lak ih upabik a simi Lusi kha a pek ih khuat kha a lak ih Sabitti a simi Bawipa ih thisen kha Jacinta le Francisco kha apek.  Vancung  mi cu hivek in a ra ngaingai ti le Jesu ih taksa le thisen a ei ter thu hi tette si ding in cui hmun ah vancung mi zuklem an tuah.

      A mankhung tuk mi vancung hmuk le sabit ti kha leilung mi a simi leilung ih akir sal ding mi a fa pawl in Bawipa Jesu ih thi le sa kha tlak zet ih sang thei dingin sim sal ding in ka lo sawm a si. . Hi thu hi Bawipa thi le sa Sacramentu ih mangbangza langnak ti mi Mr Joseph (Lashio) ih ngan mi sungta kan run leh mi a si.