Maih nunnak mahte’n latu (Suicide tuahtu) pawl hrangah Kohhran daan ih ruakvuinak tuah a ngah maw?

Maih nunnak mahte’n latu (Suicide tuahtu) pawl hrangah Kohhran daan ih ruakvuinak tuah a ngah maw?

             Hlanlai ahcun, mahte’n maih nunnak latu pawl hi, Kohhran in a rak vui lo lawng siloin, Kohhran thlanmual ih an ruak phum ding hman rak sian an si lo. Asinain, tu ahcun an nunnak an lakawk caan te hrawngih an thinlung lam umtudaan hi ruahsak an si theu. Himi thu thawn pehpar in, 1889 kum ah thil pakhat a rak cang dah ih a lar khal a rak lar zet. Austrian-Hungarian Empire ah Siangpahrang tohkham luah theinak ro a rak cotu, Rudolph in amah teih a nunnak a rak lak ih cumi ah, sii lam tuanvo nei pawl ih casuah mi in, anih cu a thinlung kim lo ruangih a mah teih a nunnak a lak mi a si ti’n an tarlang ruangah Pope Leo XIII khal in Kohhran daan vekin, Siangpahrang pawl phumnak leihnuai thlanmual ah a rak phum.

            Canon Law Daan cauk sung khalah, mahte’n maih nunnak latu pawl cu Kohhran daan in ruakvuinak tuah sak lo ding ti cekci a um nawn lo. Canon 1184 ih Kohhran daan in ruak vuisak lo ding a timi ah thu pathum lawng a si: (1) zumnak bansantu pawl (notorious apostate), zumnak peng/diklo a zirhtu le pomtu pawl (heretic), asilole thentheknak suahpi tu pawl (schismatic); (2) Christian zumnak thawn a kalhaw mi tumtahnak ruangah ruak-ur a diltu pawl; (3) Kohhran daan ih ruak vuisak cun midang tampi ih zumnak tiang a derdai ter thei ding khop ih misual hminthang pawl. Canon law ih tivek cun, a tlun ih kan tarlangmi pawl hmuahhmuah hi Kohhran daan vekih ruak vuinak tuahsak lo dingmi pawl an si. Hmansehla, annih vek hman hi, an thih tiangih sualsirnak an nei timi langternak a um lo lawlaw lawng ah ruakvuinak tuahsak lo ding ti a si. Ti duhmi cu, an thih hlan teah sirawknak an langter sal a si ahcun, Kohhran daan vekin an ruak vuisak ding ti a si mai.

           Mi pakhatkhat an thih tikih a ruak vuisak ding le vuisak lo ding thu ahcun, maih Diocese hotu Bishop kha sutfel ta ringring sehla a tha bik ko. Hrekkhat mah-le-mah nunnak lakawknak thu ahcun, vuisak lo lawlaw le a thiang ti ding tla a rak um thei. Tahthimnak ah, mi pakhatkhat in thinlung tak rori’n mi pakhatkhat a thah hnu ah, thawngtlak duh lo ruang men ih sualsirnak fate hman nei lo’n amaih nunnak a lak a si ahcun, Kohhran daan ih ruakvuinak tuahsak lole a thiang bik. Tuisan ih mah-le-mah nunak a latu pawl an zingzoi tikah, a tam sawn cu thinlung ruahnak lam ih hnaihnoktu tampi a um ruangah thinlung thiang teih thu botcat thei an si nawn lo ruangih maih nunnak latu an si thu an hmu.

        Curuangah thu umdaan cu, himi mah-le-mah thahawknak hi thinlung kimlo ruangih pawtsuakmi an si theu ruangah cuti’h maih nunnak latu pawl cu Kohhran daan vekin vui lo ding timi hi a um nawn lo tluk a si. Hmansehla, thil umdaan pakhat cio hi tha teih zohfel ta cu a tul ringring ko. Cule, Liturgy lam zawngih kan sim a sile, Kohhran daan ih vuisak lo ding tiih khammi pawl cu, Kohhran hmin in, asilole, mipi tel ih biaknak lam zawngih tuahmi zianghman ti sak lo ding tinak a si mai. Hmansehla, a thlarau hrangah ti’n Siangbawi pawl in private Missa sumnak siseh, zo cio ih mahte’n thlacamnak siseh, kan neihsak thei ahcun a poi lo ding.

     St. John writes, “In this is love: not that we loved God, but that he loved us” (1 Jn 4:10). God’s love enables us to love God, and then his creatures. We are the first of God’s creatures we learn to love. This is not mindless selfishness, but respect for God’s creation, and the Catechism of the Catholic Church observes, “Love toward oneself remains a fundamental principle of morality” (No. 2264). However, we must remember our life is a gift given in trust. God expects us to give it back. The Catechism remarks: “We are stewards, not owners, of the life God has entrusted to us. It is not ours to dispose of” (No. 2280). The Fifth Commandment forbids all forms of murder, but we must leave to God’s mercy the judgment of those who commit suicide. Thus the Catechism teaches: “We should not despair of the eternal salvation of persons who have taken their own lives. By ways known to him alone, God can provide the opportunity for salutary repentance. The Church prays for persons who have taken their own lives” (No. 2283). For this reason the Church no longer forbids funeral rites or burial to Catholics who have committed suicide.



Add new comment

8 + 10 =