Nu Pawlpi ih Biakthawinak kumkhat le rundamnak ih thuthuk.

nu_pawlpi_ih_biakthawinak

Nu Pawlpi ih Biakthawinak kumkhat le rundamnak ih thuthuk.

          Nu Pawlpi ih kumkhat rei Biakthawinak ah then (6) a um. Cu pawl cu :

  1. Adventu
  2. Christmas
  3. Caan menmen (thenkhatnak)
  4. Vua tikcu caan
  5. Pasca
  6. Caan men men (thenhnihnak) tiin a then.

Cui Biakthawinak then pawl ah Rosary cam tikah rundamnak ih thuthuk pawl cu a thuailam vekih ruat dingah in then sak.

     Zarhpi menmen pawl ah Adventu tikcu caan sungih Zarhpi ni tinten Rosary camnak ah rundamnak ih lungawinak thuthuk ruat phah ih cam a tul. Ziangah tile hi thuthuk ih tikcu a si ruangah a si. Christmas tikcu caan sungih Zarhpi ni pawl khal cu vekin an si.

Caan menmen a thenhnih ah Zarhpi ni tinten rundamnak ih lungawinak thuthuk ruat in Rosary cam a tul. Ziangah tile Nu Pawlpi ih Biakthawinak siseh, zumnak siseh Bawi Jesuh ih Pasca thuthuk a si mi harsat tuarnak, thihnak, thawhsalnak, Vancungram ih kainak pawl upat in nun a tul. Curuangah Zarhpi menmen pawl ah rundamnak ih mangbangzaq thuthuk pawl ruahnak a si.

     Kumkhat sungih Biakthawinak pawl sungin Vua tikcu caan ih Zarhpi n I pawl ah rundamnak ih lungawinak thuthuk ruat phah in Bawi Jesuh in ziangtin a phur? Zo saw hi harsatnak phurhnak ih tuartu a si ti mangsal in Bawi Jesuh ih harsat tuarnak ah mah rori khal tel in ruahnak a si. Vua tikcu caan ah Zarh (6) a um ih cui caan a cem tiang Zarhpi tinten rundamnak ih riahsiatnak thuthuk ruat ih Rosary cam a tul.

     Hi hmun ah Adventu tikcu caan le Christmas caan thawn a danglam mi cu Adventu caan ah siseh, Adventu theh hnu Christmas tiang rundamnak ih lungawinak thuthuk pawl ruat phah in Rosary kan cam theu. Vua tikcu caan le Pasca tikcu caan cu hmunkhat an si ko nan Bawi Jesuh a thawhsal ni ihsin Rosary cam tikah rundamnak ih lungawinak thuthuk sin awn lo in rundamnak ih mangbangza thtuhuk ruat in cam a tul. Ziangah tile Pasca a thok zaan ihsin Bawi Jesuh a thawhsalnak cu Pasca tikcu caan sungih ruah a tul ruangah a is. Cu vekin Pasca tikcu caan a cem zo ko nan caan menmen ih Rosary cam tikah rundamnak ih thuthuk pawl lawng cam a tul.

     Hrekkhat kohhran mipi pawl in cu vekih cam lole a ngah lo maw? tiah thusuhnak a um thei. A hlan thei lo ih rak cam lo le tu kan theih zo ruangah Nu Pawlpi ih lamhmuhnak vekin thungainak thukam kilhimnak khal a si ih leitlunhuap ih um mi Rosary cam tu pawl thawn khal kan bang aw ding. Curuangah theih dik mi ziaza khal thei hram uh tiah thlacamnak a rak kuat.

Hi thuthang cu RVA Myanmar ih kan ngah mi a si.

Add new comment

2 + 9 =