Padua khuapi ih Mithianghlim Anthony ih AVE Maria veithum Novena (August 16, 2021 )

Padua khuapi ih Mithianghlim Anthony ih AVE Maria veithum Novena (August 16, 2021 )    

       Padua khuapi ih Mithianghlim Anthony cu a mai Puithiam nunram tluan ah Bawinu Maria rak upat zet tu a si. A mah cu Bawinu a mah lawng upatnak a rak pek lo. A mai nunram thawn bang aw mi pawl, a mai kohhran mipi pawl, a mah a upat tu pawl khal Bawinu upat dingah a rak fial theu. Curuangah a mah thawn hnatuan tu zate pawl hnenah nikhat ah a mal bik Ave Maria veithum a cam ter theu. Ave Maria thlacamnak nikhat ah veithum cam dingah a forhfial tiin kohhran mipi pawl in an ruat men thei. Mithianghlim Anthony ih ti duh sawn mi cu Ave Maria veithum cu tha ten ruat phah ih cam dingah a si.

        A hleice in zaan ihhlan hlan ah a cam theu. Hi forhfialnak khal nauhak lai ihsin Pathian thu zirnak ah an rak thei theu. Kumzabi 14 a thok hrawngah Europe continent ah Ave Maria veithum camnak cu an tuah theu mi ah a rak cang ih mi tinkim deuh thaw in an rak cawng. Kumkhat sung hi vekin a tuah tu pawl khal Pope in Indulgence ngah thei nak a pek ve. Cu lai ah Kawhhran pi rak hruai kai tu Pope cu Pope John XXII nak a si. A mah cu 1318 in 1327 tiang Kawhhranpi a rak hruai kai. Mithianghlim Anthony in Bawinu Maria ih hmin kawh a duh zet. Curuangah khal a tang lam ih tongkam pawl zoh lo ih a ngah tiang a rak cam theu. 'Bawinu ih hmin cu khuaitizu hnak hman in hmurka ah a thlum cuang. Awnmawi pawl hnak hman in ngai a nuam sawn. Man a nei zet mi nomnak pawl a pek.’ (The name of Mary is sweeter to the lips than honey, more to the ear than the sweetest music, more delicious to the heart than the purest joy) tiin thla a rak cam theu.

        Nang teh Pathian hnenah a tlaitluang zet mi ti daan thawn thluasuah dil na duh maw? Ave Maria thlacamnak veithum cu Bawi pathum Pathian pakhat lomnak tiang cam aw. Pathian ih mangbangza a khawkhan mi khal zum aw tiin ruahnak in pek.

Hi thuthang cu Aleteia thuthang ih kan ngah mi a si.

https://bit.ly/3iTqYZW