Pathian in nunram a sangsang ih thleng dingah in sawm January 24, 2021

pathian_in_nunram_thleng_dingah_pope_in_in_sawm.jpg (47.97 KB)

 

Pathian in nunram a sangsang ih thleng dingah in sawm

January 24, 2021

          Zarhpi ni Angelus thlacamnak hmun in Pope Francis in dinhmun tinkim in kan thinlung pawl cu Pathian le mah thawn a nai mi pawl ih duhdawtnak ih thlengawk dingah a hman bik mi tikcu caan a si tiih a zum tu Christian pawl ralrinnak a rak pek. Angelus thlacam hlan te ah Pathian thuthangtha zirh nak in cui ni ih Cathianghlim Mk 1:14-20 sungih Bawi Jesuh in John the Baptist kaih a tuar hnu ih thuthangtha a sim thok thu a rak sim.

          Bawi Jesuh ih thu zirh nak cu hi mi pahnih thawn a lang ter thei. Hi tikcu caan cu a famkim mi tikcu caan a si. Pathian ih ram a thleng zik thlang. Sual sir nak lakin thuthangtha zum uh. Hi mi sungin Pope Francis in "tikcu caan le thleng awk nak" ti mi pahnih a rak sim.

Rundamnak tikcu caan

          Pope Francis in Mk thuthangtha cu tikcu caan in "Pathian ih rundamnak thuanthu caan" ah a tumtah thu a rak sim. "Tikcu caan thlen nak ti  mi cu rundamnak hnatuan cu hmaisabik ih thlennak a si thu, hi tikcu caan cu Pathian ih pakhat lawng a si mi a Fapa cu leitlun ah a thlah ih a ram uk nak cu a hlan hnak in nai deuh ih a um mi thuanthu tikcu caan a si thu a rak sim.

Rundamnak le thlengawknak

          Pope Francis in "rundamnak cu a mah ten a cang men mi a si lo. Rundamnak cu duhdawtnak ih laksawng pakhat a si. Cu vek ih laksawng cu zalen zet in a hlawm ih zalen zet in rul kir sal thei dingah kawhnak, thlengawknak hrangih sawmnak a si thu a rak sim.Thlengawknak ti mi cu leitlun daan thlun dingih a lungkim lo mi thleng awk nak a ti duhsan a si. Sual nak cu Pathian le midang pawl  leitlun ih khua vel daan el dingih thinlung thlengawknak a ti duh san a si. Curuangah sualnak cu bumnak le a dik lo mi pawl tuah dingah tikcu caan kohral hlah uh. "Tu cu a kaih mi tikcu caan a si."

          Khatlam ah Bawi Jesuh ih thlengawknak ti mi thucah cu Pathian le a mai thluasuah par ah kan rinsan nak in mang ter sal. Cu ti ti tikah thilri pawl par ah a dik mi thinlung nei in midang pawl thawn pehtlaih awk tikah tangdor ten mithmai pan nak, midang hrang riantuannak lawngah famkimnak hawlhmuh nak pawl a tel.

          Rundamnak cu tikcu a mal zet mi leitlun nunram ih tikcu caan a si ruangah rikhiah a um. Hi tikcu caan clu Pathian ih tahthim theih lo duhdawtnak laksawng a si ko nain midang ziang tluk in a duh thu teette hmuh  nak caan khal a si. Cui thu ruangah kan nunram, nunnak cu Pathian le mah thawn a nai mi pawl parih duhdawtnak hmuh dingah a tha bik mi caan a si thu, cui hnu ah kumkhua nunnuamnak kan co ding tu a rak sim.

"Nunram ih tikcu caan"
          Pope Francis in "Kan nunram in thlun ding daan pahnih a thlun. Pakhat nak ah: tikcu caan, ni thla, kum pawl thawn tuah mi tah a ngah mi a si ih a dang pakhat cu kan thanso caan pawl a si mi suah caan, nauhak nunram, mino nunram, upa nunram, tar nak le thih nak pawl thawn kom nak a si.

          "Zumnak in nunram ih a dik mi thlarau lam thawn a pehpar mi duhsan hawl hmu thei dingah a bawm,"  tiah a rak sim.

Pathian ih a hngetkhoh zet mi kawhnak

          Netabik ah Pope Francis in nunram dinhmun tinkim ah Pathian ih kawh aw thei thei dingah Bawinu in, in kilkhawi hram seh. Leitlun thinlung pawl ihsin duhdawtnak le riantuannak ih thleng aw thei dingah in bawm hram seh," tiin thla a cam ih a thuthangtha sim a rak cawl.

          Hi thuthang cu Vatican thuthang ih kan ngah mi a si.

https://bit.ly/3pbxr33

Add new comment

1 + 6 =