Pope Francis in October nili ni ih a rak suah mi capi thar sungah ramkhel lam thawn pehpar mi pakhat. Oct 06, 2020

Pope Francis in October nili ni ih a rak suah mi capi thar sungah ramkhel lam thawn pehpar mi pakhat. Oct 06, 2020

          Tu vek ih hrilawknak neih caan thawn a kaih awk zet ruangah a rak hlawm. Nan zaten a cem tiang nan siar ko ding tiin duhdawtnak thawn ruahsan nak ka nei.

Khat le khat karlakah duhdawtnak le rualpi si nak

        Ramkhel ih tel nakah mitampi thatnak hrangah miphun pakhat, ram pakhat hrang lawngah a si lo. Zuamnak hmuahhmuah cu upat tlak mi kawhnak a si.  Duhdawtnak cu a taktak ih hmuin kawhnak cu a sang bik, a tha bik mi tidaan pawl sungin pakhat a si. The exercise of political love ti mi ramkhel duhdawtnak nei cio uh. Duhdawtnak a hmuh tu tidaan pahnih a um. “Elicited Love” le “Commanded Love” ti mi an si ih tu ih bawm nak a tul tuk mi pawl an tul mi “peisa, ei ding le hnipuan” pek nak cu mai duhdawtnak in a suak mi elicited love a si.Cu vekin a thupi mi duhdawtnak cu mai innhnen pakhat in farah lo dingah ram ih pawlkom awk daan pawl tha ten dinnakih tel nak a si. Mai hmai ih hmuh mi miharsa bawmnak cu duhdawtnak nuntuzia a si.

          Cu vek in cu vek ih harsatnak pawl a cang ter tu milai dinhmun pawl thleng aw in thanso dingih tuah nakin mai theih lo mi le hmuh dah lo mi pawl parih duhdawtnak nuntuzia tuah nak a si. Lamzin khat lam in khat lamih a feh duh tu pitar pakhat kha mi pakhat ih bawm nak cu elicited love a si vek in ramkhel lam mi pakhat in mipi feh nak lilawn saknak khal duhdawtnak nuntuzia commanded love a si.Sizung le mee zungah khui mi a thupi sawn tiih thinheng tu pawl cu Pope Francisih capi suah vek si le siizung in tui simfiang ding mi duhdawtnak, mee zung in harhdamnak pawl tu hnak ih tha dingah kian hmaisa nak pawl thawn kum reipi a rak simfiang.

         Yawng (rong) phunphun thawn a dan awk caan ah capi suah sungah hi mi hi ziang vek thinlung ret ding ti a rak sim. Mi tha lo ih thlen nak pawl khat le khat karlak, phuaih khat le phuaih khat karlak ih pehtlaihawknak pawl a siat suah ter.Curuangah zum uh si. Midang pawl  ih upat mi man kha mah rori in tuah in midang pawl khal zirh uh. Mah thawn a bang aw lo mi pawl khal cohlang thei mi duhdawtnak phun pawl nei uh. A mai idea pawl, thuruah pawl, thlun mi pawl le sual nak pawl hman ah hmaisa ah ret lo in mi tinkim ih um mi human dignity cu upat ih hmaisa ih ret hmaisa dingah zuam uh.A bangaw lo mi midang hnenih aw pawl thei thei dingin ngai uh. Ruah dan a bang aw lo mi pawl in a mai phuaih, ka phuaih tiih rem awk lonak a can ter cu a hman.

       Asinain, a zaten pakhat lawng si nakin namniamnak a um nak ih tettee a si ih nunphung a siat ter. Ramkhel pawl ih suh ding thu cu “minung paziat in mee in pe?” ti mi a si lo. Suh ding mi sawn cu, “Ka hnatuan mi ah duhdawtnak ziangzat ka ret,” ti mi a si sawn. Capi a suah mi ah a rak forhfial.“Mee pe thei tu pawl in mah hrang hnakin kum reipi duhdawtnak hnatuan pawl a tuah sak ngaingai tu ding mee pek nak thawn commanded love hmuh uh si,” tiin Pope Francis in a rak sim.

Hi thuthang cu 6,10,2020 ah Aleteia thuthang ih kan ngah mi a si.

https://bit.ly/30J6mtI