Pope Francis in Pathian ih kawhnak cu Pathian ih khawkhan mi cangsuak dingin tuah dingah a si tiah sim. May 05, 2022

poep_in_pathian_ih_kawhnak_cu_amai_khua_khan_mi_a_si

Pope Francis in Pathian ih kawhnak cu Pathian ih khawkhan mi cangsuak dingin tuah dingah a si tiah sim.
May 05, 2022
Pope Francis in leitlunhuap pumcawmnak ni “World Day” thlacamnak hrangah “milai sungkua din dingah kawhnak a ngah mi kan si” (Called to build the Human Family) timi motto thawn capi a suah ih kohhran mipi tinkim hnenah “hi upat tlak zet mi caanserh” ah a tha bik ih ap aw dingah a forhfial.Pope Francis in kawhnak thuhla kan rel tikah Pathian ih khawkhan mi cangsuak dingih tuahnak thu kan rel tiah a sim. Tui kum May 08, ih a thleng mi vei 59 nak leitlunhuap pumcawmnak hrang thlacamnak hrangah tlawngkai nili ah rak suah mi capi ah Pope in a capi ah motto ah ‘milai innsang din dingah in sawm’ tiah a rak langsar ter.
Tuukhaal tha Zarhpi ni (Good Shepherd Sunday) ti khal ih mi theih tam zet mi Easter theh Zarhlinak Zarhpi niah Pawlpi in leitlunhuap pumcawmnak ni hrang thlacam puai a tuah theu. A thusim mi sungah Pope in Biaknak lam le Puithiam pawl hnenah Pawlpi ih mission tuantu tiih kawh an si thu ralrinnak a rak pek. Khat le khat kilkhawi dingah siseh, Pathian ih zohnak cohlang dingah, Pathian ih zohnak rul kir sal dingah unau vekih duhdawt aw mi leilungpi din dingah kawhnak a ngahtu pawl an si thu mang sal dingah a rak sim.
Pathian ih thinlung sungah kan um…
“Christian kan si vekin, mah pakhat lawng pumcawmnak kan tuah lawng si loin kan mah khal in ko tlang. Kannih cu phar ih ven mi tlakrawh vek kan si” tiah Pope in a rak sim.Cu vekin kan nih cu kan umnak hmun pawl ihsin thok in leitlun lamzin pawl lamhmuh ter in tleunak pe theitu arsi pawl din dingah kawhnak a ngah mi kan si tiah a rak sim bet.
Kan hrang Pathian ih khawkhawn mi cu….
Puithiam pawl, zumtu pawl, a apaw tu nunau le mipa pawl le, zumtu mipa pawl hnenah Pope in “duhdawtnak thawn lungrual mi milai sungkua pakhat lawng ti mi thudik teette khaannak ah khualtlawng tlang uhsi.Asinan; Pathian in tumtahnak nei in in rak sersiam,” tiah mi pakhat ciar a rak forhfial. Pope in Pathian ih duhdawtnak thawn tuan tlang dingah Pawlpi hnenah zaangfah dilnak thawn leitlunhuap hnatuantu pawl ni hrang a thusim a rak cawl.
“Duhdawt zet mi u le nau pawl, thuanthu ih mangbangza thilcang lakah Pathian ih minung pawl in hi kawhnak rul kir sal thei dingah thlacam tlang uhsi” tiah Pope in a rak sim. “Thiang Thlarau ih tleunak dil cio uhsi. Cu lawngah kan zaten kan umnak dik hawl in hi upat tlak mi ruahnak ah a thabik mi in pe dingin zaangfah dil cio uhsi” tiah a rak sim.
Hi thuthang cu Vatican thuthang ih kan ngah mi a si.
https://bit.ly/3FsEAVv

Add new comment

5 + 4 =