Pope a sual thei lo timi hi ziang tivek a si? (sim tu Rev. Fr. David Mangte)

Pope a sual thei lo timi hi ziang tivek a si?

Sim tu Rev. Fr. David Mangte

          Minung tampi in ‘Infallibility of Pope’ timi hi Pope cu famkimnak neitu a si ih ziangtik hmanah a sual thei dah lo, a palh thei dah lo ti duhsannak a siti’n kan rak ruat theu ih a poi ngaingai. Kan dung thlacem ni October 31 ah Myanmar ram sung um Protestant theologian lakih ka upatzet mi Saya pawl tel in Reformation thok ni hngilhlonak ah online ihsin thuruah awk khawmnak an neiih cumi sung khal ah himi thu a rak tel. A sideuh lo zawngih an run rel mi ka rak ngai tikah ka thin a nuam lemlo.

          Saya pakhat in, “RC pawl an palhnak bik pakhat cu Pope a sual/palh thei lo an timi hi a si. Kannih Protestant pawl cun Martin Luther le a dang reformers pawl mi famkim an siti’n kanpom lo; sambaunak neicio an sinak khal kan thei tuk” ti’n kawl tong in a rak sim. Himi Sayapa ih tongmi kan ruah tikah RC pawl cun Pope cu mi famkim, sambaunak zianghman neilo mi a siti’n an pom a timi thawn a bangaw.

          Ka run simmi Sayapa vek in Protestant unau tampi in an rak ruat theu ve. Kanmah RC sung hman in cutiih ruat tu kan um phah ding zum a um. Asinain, a taktak ahcun RC Pawlpi ih zirhnak ah Pope hi ‘absolutely infallible’ timi ziangtinkim ih sual/palh thei lo lawlaw ih famkim mi a siti’n a zirh dah lo. A sual thei lo nak hmun le caante a um. Mirangtong cun “Condition” a um kan ti mai ding.

          Pope ih thuneihnak le thudik zirh theinak huham a neihnak hi zumtu hmaisa pawl ih san lai ihsin rak pom cia mi a rak si ko nan, Catholic zumtu hmuahhmuah ih pom tengteng dingmi ‘Dogma’ a si ti ih officially thusuahnak cu 1869-70 kum ih tuah mi Vatican Council I lawngah tuah a si. Cule himi thu cu 1962-1965 kum ih tuahmi Vatican Council II khal in a nemhnget bet.

          Vatican Council I in “Pastor Aeternus” timi thulu thawn a suahmi ca sungah Pope ih thu neihnak le a sual thei lo mi zirhnak huham a neih mi thuhla a tarlang. Pope ih thu neihnak thawn pehpar in a tanglam vekin a tarlang:

          “We teach and declare that, according to the Gospel evidence, a primacy of jurisdiction over the whole church of God was immediately and directly promised to the blessed apostle Peter and conferred on him by Christ the Lord.… That which our lord Jesus Christ, the Prince of shepherds and great shepherd of the sheep, established in the blessed Apostle Peter, for the continual salvation and permanent benefit of the Church, must of necessity remain for ever, by Christ’s authority, in the Church which, founded as it is upon a rock, will stand firm until the end of time…

          "Therefore, whoever succeeds to the Chair of Peter obtains by the institution of Christ himself, the Primacy of Peter over the whole Church… Both clergy and faithful, of whatever rite and dignity, both singly and collectively, are bound to submit to this power by the duty of hierarchical subordination and true obedience, and this not only in matters concerning faith and morals, but also in those which regard the discipline and government of the Church throughout the world. In this way, by unity with the Roman Pontiff in communion and in profession of the same faith, the Church of Christ becomes one flock under one supreme shepherd. This is the teaching of the catholic truth, and no one can depart from it without endangering his faith and salvation.”

          Cule a sual theilo mi zirhnak huham a neihnak thu thawn pehpar in a tanglam vekin a tarlang:

          “But since in this very age when the salutary effectiveness of the Apostolic office is most especially needed, not a few are to be found who disparage its authority, we judge it absolutely necessary to affirm solemnly the prerogative which the only-begotten Son of God was pleased to attach to the supreme pastoral office.

          "Therefore, faithfully adhering to the tradition received from the beginning of the Christian faith, to the glory of God our Saviour, for the exaltation of the Catholic religion and for the salvation of the Christian people, with the approval of the sacred Council, we teach and define as a divinely revealed dogma that when the Roman pontiff speaks ex cathedra, that is, when, in the exercise of his office as shepherd and teacher of all Christians, in virtue of his supreme apostolic authority, he defines a doctrine concerning faith or morals to be held by the whole Church, he possesses, by the divine assistance promised to him in blessed Peter, that infallibility which the divine Redeemer willed His Church to enjoy in defining doctrine concerning faith or morals. Therefore, such definitions of the Roman Pontiff are of themselves, and not by the consent of the Church, irreformable.”

          A tlun lam ih kan run tarlang mi pawl kan zoh tikah Pope in a sual hei lo mi zirh theinak huham a neih mi hi ‘faith or morals’ timi zumnak a silo le nundaan ziaza thawn pehpar aw mi lawngah a si. Cuhman ah rawl ei phah le khual a tlawn nak ih thusuh awknak tivek ih a tong men mi silo in, ‘Ex Cathedra’ timi Pawlpi ih lubik a sinak le Christian zumtu pawl hmuahhmuah hrangih tuukhaal le zirhtu a sinak hmangin Christian zate ih pom le thlun tengteng dingih zirhnak a suah lawngah a sual thei lo mi a si. Cule Pawlpi sungih Pope ih thuneihnak thawn pehpar aw cun zumnak le nundaan ziaza thu lawng hman si lo in daan le ukawknak lam thu thawn pehpar aw mi thil khal ah Catholic zumtu zate tlun ah direct thuneitu a si.

          Pope ih a sual thei lo mi zirhnak huham ziangtivek caan ah hman a si timi thu thawn pehpar in Pope St. John Paul II in 1993 kum, Marh 24 ah Vatican tualrawn ih pumkhawm mi mipi pawl hnen ah a tanglam vek in a rak sim dah:

          “Infallibility is not given to the Roman Pontiff as a private person, but inasmuch as he fulfils the office of pastor and teacher of all Christians. He also does not exercise it as having authority in himself and by himself, but ‘by his supreme apostolic authority’ and ‘by the divine assistance promised to him in Blessed Peter.’ Finally, he does not possess it as if he could dispose of it or count on it in every circumstance, but only ‘when he speaks from the chair,’ and only in a doctrinal field limited to the truths of faith and morals and those closely connected with them (...) the Pope must act as ‘pastor and doctor of all Christians,’ pronouncing on truths concerning ‘faith and morals,’ in terms which clearly express his intention to define a certain truth and to demand the definitive adherence to it by all Christians.

          "This is what happened, for example, in the definition of the Immaculate Conception of Mary, about which Pius IX affirmed: ‘It is a doctrine revealed by God and must, for this reason, be firmly and constantly believed by all the faithful’; or also in the definition of the Assumption of Mary Most Holy, when Pius XII said: ‘By the authority of Our Lord Jesus Christ, of the Blessed Apostles Peter and Paul, and by our authority, we declare and define as divinely revealed dogma... etc.’ Under these conditions one can speak of extraordinary papal magisterium, whose definitions are irreformable ‘of themselves, not by the consent of the Church’ (...) The Supreme Pontiffs can exercise this form of magisterium. And this has in fact happened. Many Popes, however, have not exercised it.”

          Curuangah Pope pawl in a sual thei lo mi thuzirh theinak huham an nei nan, cuih thuneihnak hi menmen ih an hman lo zia a fiang tuk. Cule Pope pawl in hi thuneihnak an nei tiih kan pom mi khal hi Catholic Pawlpi in thuneihnak a duh tuk ruang men ah silo in, kan Bawipa in a Kohhran a din tikih Peter hnenih a thukam mi kan zum  ruangah a si.

          Kan thulu thawn pehpar in kan cem ter ding a sile, Pope a sual theilo kan timi hi a simrelnak kip ah le a tuahtuannak kipah a sual thei lo mi mifamkim a si tinak si lo in, zumnak le nundaan ziaza thu thawn pehpar mi Christian zate ih pom le thlun tengteng                 dingih a zirh lawngah a sual thei lo mi a si sawn.