Pope zungpi thawn pehpar in upadi cekfel tu Commission ah cui hmun ih um pakhat hmaisabik ih ret dingah nemhnget January 8, 2021

Pope zungpi thawn pehpar in upadi cekfel tu Commission ah cui hmun ih um pakhat hmaisabik ih ret dingah nemhnget

January 8, 2021

          Kan dung tlawngkai ninga ni ah Pope Francis in Pope zung thawn pehpar mi upadi cekfel tu commision ah cui hmun ih um kohhranpi pakhat hmaisabik ih tuanvo a rak pek thu Vatican thuthang zung in January 8 ni ah mipi theih in a rak than.

          A hmin cu Vincenzo Buonomo a si ih a mah cu Rome khuapi ah Pope ih nemhnget mi Lateran Phunsangtlawng pi ih tlawng uktu khal a si.  A hlan Bishop Giorgio Corbellini ih ai a run awhtu a si. Bishop in a hnatuan cu 2010 in a thih ni (2019, November 13) ni tiang a rak tuan. Hi commision cu 1981 ah an rak din ih zungih a thupi ih tuanvo cu a sunglam ih hrawk per nak pawl a um a si ah cun phork suakin hnatuan ihsin cawlh nak a si lo le dawi ding a si.

          Tui tuanvo pek mi cu a kum 59 a kim zo. A mah cu ram tinkim thawn pehpar mi upadi rak zir tu a si ih Vatican ih ruah nak pe tu dinhmun in Cardinal Agostino Casaroli thawn 1979-1990 tiang siseh, Cardinal Tarcisio thawn 2006-2013 tiang a rak tuan dah. 'Bertone' ih sim mi pawl ca uk pakhat khal a rak suah dah.

          Pope in upadi mifim pawl hnenah Vatican ih ruah nak pe tu in 2014 ah tuanvo a rak pek. A hmin a rak tha ruangah Puithiam pawl ih tuah theu mi Pathian riantuannak pakhat cu 2018 ah Pope ih nemhnget mi Lateran Phunsangtlawng ih tlawng uk tu le pawlkom sungtel paruk cu kumnga tiang Pope in tuanvo a pek theu. Hi commision ih hmaisabik hotu cu Venezuelan ram ih Cardinal pakhat a rak si  dah ih cui hnu ah Italy ram ih Cardinal pahnih a pehpeh ai-awh in a rak tuan.

        Tui kum January 8 ni ah khal pawlkom sungtel pahnih an rak than ih Msgr. pakhat le Spain kohhranpi pakhat an si thu Vatican zung in thuthang a rak suah.

          Hi thuthang cu CNA thuthang ih kan ngah mi a si.

Photo courtesy of: Bohumil Petrik/CNA.

https://bit.ly/3sfQ6Nd