What is Lent? (Vua tikcu caan ti mi cu ziang a si. (February 26, 2022)

What is Lent? (Vua tikcu caan ti mi cu ziang a si.

(February 26, 2022)

          2022 ih Vua tikcu caan cu March (2) ah vutcaam culh in kan thok thlang ding. Vua tikcu caan cu Zarh (6) a um ruangah Pasca tikcu caan hnakin a rei deuh. Vua tikcu caan cu Pasca tiang a si ding. Pasca caan Zarhpi ni theh ah Pasca caan a si hrih dingih Pasca caan khal ni (50) a rei ding. Vua caan cu ‘Easter Triduum’ (ni ropi nithum) thawn a cem.

          Vua tikcu caan thawn pehpar in Pope Francis in (February 17, 2021) ah ‘Vua tikcu caan cu mi tampi thawn pehtlaih ih tuah tikah sunglam, lenglam a pahnih in tangdor caan a si. Ruhdamnak cu thawmhuham thawn sunlawinak a si lo. Asinan, duhdawtnak ah tangdornak a si. Mah le mah uangaw in um ding a si lo. Dai ten tangdor ten um caan a si’ tiah a sim. Pope Francis in ni (40) cu ‘sal nunram ihsin luatnak, Pathian ih miphun Egypt ram nelrawn ah kum 40 an rak vakvai ih mai umnak ram thlen salnak thawn a tahthim.

          Pope in ‘Kan Pathian inn kan tlunnak lamzin ah a dik lo mi duhhamnak pawl in kan khualtlawnnak ram a fung ter. Kan sualnak pawl, sumpai, lenglam mawinak pawl, duh daan kimlonak, mai sinak ah lungkim lonak ih dunglam ah a kir sal theu. Hi Vua tikcu khualtlawnnak ih thlen duh a si le a parlam ih sim zo vekin a fiang lole a dik lo mi hmaihuhnak pawl hlit a tul. Hi Vua tikcu caan tha zetin thleng thei dingah Cathianghlim in then (3) in lam in hmuh. Cu pawl cu (1) a hlu peknak (2) thlacamnak (3) rawlulhnak pawl an si.

          Hi Vua tikcu caan ih thlun ding mi (3) in ziangtik hmanih a mit thei dah lo mi thudik hnenah in hruai kir sal. Thlacamnak in Pathian thawn in pehtlaih ter. Zaangfahlainatnak in kan kiangkap thawn in nai ter. Rawl ulhnak in kan mah le kan mah in nai aw ter sal. Pathian, kan kiangkap le kan nunram cu ziangtik hmanih a hlo thei lo mi thudik an si. Hi Vua tikcu caan ih thlun ding mi thlunnak cu a tha zet. Asinan, thinlung thiang a tul.

          February 26, 2020, Vua tikcu caan ah Vua sungih thlun tul mi tuanvo silhkhahnak ah bumawknak um lo dingah le midang ih ngaisang dingih tuah mi pawl ruatsal a tul. Catholic Kohhran mipi pawl lak ah Vua tikcu caan sungih tuanvo ah ulhnak cu ni (40) tuah a si theu. Cu mi cu ziang mi thawn a bang aw tile chochin (mawthai) a duh zet mi nauhak te in cui Vua tikcu caan ah chochin (Mawthai) ei lo ih sup nak vek a si. A tha ko. Asinan, tu hnakih a thuk mi thlengnak cu a mah hnen kirsal dingah in sawm rero tu Pathian ih aw sangin a hnenah a tak tak ih feh dingah le midang ih dauhdawtnak, nuamnak tep sal dingah a si tiah a rak sim.

          Hi thuthang cu Rome Reports thuthang ih kan ngah mi a si.

Photo couresy of: Bibilium 

https://bit.ly/3piugZx

Add new comment

7 + 0 =