Ziangruangah kan fanau le pawl an hmin lak mi Mithianghlim pawl ih thuanthu zirh a tul? 4.11.2020

ziangruangah_fanau_pawl_an_mithianhlim_hmin_lak_mi_pawl_ih_thu_sim_an_tul.jpg

Ziangruangah kan fanau le pawl an hmin lak mi Mithianghlim pawl ih thuanthu zirh a tul? 4.11.2020

         Nauhak pawl hi an hmin lak mi Mithianghlim pawl thawn an peh tlaih awk nak thanglian dingih kaih hruai nak hi a thupi zet. An hmin hi cui Mithianghlim vek cek ci a si lo hman ah, an hmin lo le dinhmun a bang aw mi Mithianghlim thawn an bangawk nak te sim fiang a theih.

               Nauhak tam sawn ih an hmin ken mi Mithianghlim ih thuanthu an theih deuh deuh a si le an hnenih thlacam an thiam deuh deuh ding.         Mithianghlim cu "superhero" mi raltha ah cang ter hlah uh. Ziangah tile an nih tla kan mah vek in sual nei mi an rak si dah ih an harsatnak, sunnak, donkham tu pawl le sehreh nak pawl an rak hlawm.

         Asinain, hi mi ruangah Pathian an hawlih an hmuh hnuah an nunram ah lamhruai an on.Mai hmin lak mi Mithianghlim Litany a um thu hawl ding.Mithianghlim pawl zaten Pathian an duhdawt nak le Pathian an haal nakih bangawknakah an lung a rual. Asinain, an zaten cun an bangaw lo.

         Mi pakhat ciar in bulpak ih a thanau nak le thazaang cah nak an nei. Cu vek in an thianhlim daan a bang aw lo. Cu mi pawl an bulpak ih an nuntuzia le danglam nak ciar in an mah Mithianghlim pakhat ciar apek mi cui nuntuzia pawl phorhsuak ding a thupi nasa. Mithianghlim thu pawl theih nak in an hnenih thlacam thiamnak dingah, cu tawk ih a um mi rualpi pakhat thawn biakawknak vekih biakawk daan le an thusim  ngai dingih man cia ringring dingah in hruai a tul.

         Innsungsang tampi cun an hmin lak mi Mithianghlim pawl ih Litany pawl cu zaanlam tinten an cam theu. Hi mi hi nauhak pawl an hmin lak mi Mithianghlim pawl an um tak tak thu hawl thok nak ih a famkim mi tidan a si. Cu lawng hman si lo in, nauhak pawl in sawn a sunglawi zet mi "Kan mah hrangah thla in cam sak aw" ti mi leh nak cu ol ten an thiam ding a si.

         Hi thuthang cu November 4, 2020 ah Edifa thuthang ih kan ngah mi a si.

https://bit.ly/3p4UTzo

 

Add new comment

1 + 1 =