Assumption of Mary (Bawinu Maria Vancung hruai Puai) August-15

Assumption of Mary (Bawinu Maria Vancung hruai Puai) August-15

          Bawinu Maria cu a fapa Bawi Jesuh vancung a kai hnu tikcu tawk fang tiang Dungthlun tu pawl thawn an rung um tlang. A sinan a nih khal a thi ih Dungthlun tu pawl in an rak Vui. Tradition ti mi (pawl pi thuanthu) ih an sim nak vek a si le Dungthlun lakah pakhat a si mi St.Thomas cu Bawinu Maria a thih ih vui lai ah khual a tlawngih a rak um lo. A sinan ni mal te sungah a tlung sal. Cutikah Thomas in kan Nu ih hmel veikhat tal hmu ta lo cun, a si thei lo tiah a ti ih, a rualpi a si mi Dungthlun tu pawl khal in hmuh sal an duh ruangah a mah an phum nak thlan cu an ongih an zoh sal, a sinan a Thianghlim mi Nu Mary ih ruang cu thlan sungah a rak um nawn lo. Cutikah Dungthlun tu pawl cu an mang a bang ih Vancungah a ruangpi le thlarau thawn hruai nak a ngah si dingtin an zum a si.

          Thihnak cu Bawinu hrangah Vancungih hruai nak lam pi pakhat a sivekin Mary cu Jesuh Khrih Dungthlun tu pawl hrangah Vancung luh nak lam pi a si. Bawinu Mary cu Jesuh Khrih leitlun ih a rat nak ding hrangah a si. Curuangah kan nih in kumkhua lungawi nak hrangah le Vancung kan luh nak ding hrangah kan Nu Mary cu lilawn pakhat vek a si. Vancungramah khuaruahharza thil pakhat a lang. Nu nau pakhat a si , thlapi a kehnuaiah a ret ih Arsi hleihnih ih tuah mi Siangpahrang lukhuh a khum.

          Thuphuan 12:1) sungah kan hmu thei a si. Pathian le minung in pehtlaih ter tu a si ruangah cui Lilawn cu hmang tlang uh si. Jesuh Khrih a naih bik mi Nu Mary cu Jesuh Khrih a thei bik ding curuangah Jesuh Khrih a naih bik tu kan Nu cu pan in ben tlang uh si. Assumption puai ni hi August ni 15 ah kumtinten Bawinu Vancungkai puai kan hmang theu. Kum 1950 Pope Pius XII (12) nakin hi thu hman cu Pawlpi zumnak thuthukah Minificentissimus Deus ti mi Pope ih thu neih nak ca thawn a suah ih a rak than a si.