Bangladesh ram ih Catholic Sister pakhat in hnemnak, ruahnak peknak caanserh cu Online in tuah November 16, 2021

Bangladesh ram ih Catholic Sister pakhat in hnemnak, ruahnak peknak caanserh cu Online in tuah

November 16, 2021

         Thurel tlangih ruahnak peknak thawn buaih a lak tu, Bangladesh ram ih Catholic Sister pakhat cu tu vekin pulhnat ton ruangih thinlung lam natnak a tuar tu pawl ziangtin bawm in ruahnak pek ding ti YouTube in siseh, Facebook in siseh tindaan a pek rero. Sister ih hmin cu Gloria Lipy Rozario a si ih ‘riahsiatnak Bawinu’ congregation Sister a si. A mah in thinlung lamih natnak a tuar tu pawl, thinlung derdai mi pawl thureltlang in hnemnak a rak peknak cu kumhra a rei thlang. A mah cu Bangladesh khuapi, Dhaka ih um hnemnak thureltlangin ruahnak peknak siikhaan ih tuanvo neitu khal a si. Facebook ah a thusim mi pawl a zohtu nitin ten an tam vivo. A zoh tu pawl ih an kum cu 18-24 an si.

         Sister ih video file pakhat a si mi “How do you say no to your boyfriend or others?” (Na duh mi pa le midang pawl hnenah ‘ka on lo’ tiin ziangtin na sim ding?) ti mi cu mipum taan 2.2 in an zoh thu, Sister in thlakhat ah tu vekih fimnak pek mi video file 10 hrawng media ah a tarlang theu. A post mi video tinkim ah a zoh tu taankhat an luan theh. Tu vekin a zoh tu an tamnak cu a mai online tirhthlah a rian tuan a hlawhtlinnak a si. Sister ih a post mi hmuahhmuah a zoh tu 76,000 an um. Tu vek ih tuahnak cu milai pawlkom ih mipi pawl ih thinlung lam harhdamnak tha ter dingih theih ter nak, ruahnak peknak, a zirh duh ruangah a si. 

         Sister dinhmun in hi vekih harsatnak pawl a tong rero mi hi a pak in siseh, innsang nei pawl, innsang in siseh a bawm theu hai. Nauhak pawl cu nulepa pawl ih forhnak ruangah thinbangnak a tuar tu pawl tla an um. Hrekkhat nu le pa pawl cun an fa le pawl an sehrelh zet. An fa le pawl ih an kaa, an si duh mi an sim mi pawl ziang ah an siar lem lo. Nauhak pawl cu nu le pa ih sim vekin um, hruk ter vekin hruh, pek vek in ei ti phun in um ter an duh ih an buainak an cohlang lo. Nu le pa pawl ih duh dan thawn a kalh awk le an lungkim lo. Fimthiamnak lam ih thiam ter an duh. Fimthiamnak ruangah khal tlawngta pawl in thinharnak an tong rero.

         Kum upa deuh mi mino dinhmun in an duh mi thawn remcang lo in thenawk ih buainak pawl an tong. Cui dinhmun vekah kei cu mi sung ka si zo. Kei mah le kei mah cekawk nak men a si tiah an ruat. Mino pawl cu thinlung vakvai lai mi an si.  An mah le an mah an ruah awk mi zateek khal a sang zet. Mino pawl cu hnatuan tha ngahnak lamah khal an sehrelh tuk theu. Tu lai san ah midang pakhat khat thawn a thup ten pehtlaihawknak pawl tla an nei.

         Cui dinhmun cu innsang sungin pakhat khat in an theih tikah media ah tarlang in an pholang. Cu tiin an innsungsang lamah an thenthek awk theh. Sister in thinlung lam zirnak Italy ih a rak zir theh hnu ah hi rian tuannak cu a mai kawhnak a si kha a rak thei fiang. A  mah in thlarau lam thawn pehpar ih zir mi khal Rome ah a rak zir. Master buaih tla USA, California ramthen, Santa Clara University in a rak ngah.

         Hi thuthang cu RVA thuthang ih kan ngah mi a si.

https://bit.ly/3kNi0xF