Bawinu Maria hnenih Vancungmi Gabriel ih Thuthannak (March-25)

Bawinu Maria hnenih Vancungmi Gabriel ih

Thuthannak (March-25)

      Maria ti mi nunau thianghlim hnenih thuthan dingah Pathian in Vancungmi Gabriel cu Nazareth khua ih Galilee khuapi ah a rak thlah. Cui Fala thianghlim Maria cu David ih tafasin Joseph thawn ham aw mi an si. Vancungmi cu Maria hnenah a feh ih “Na parah daihnak um ko seh! Bawipa na hnenah a um ih thlawsuahnak tampi a lo pek a si,” tiah a ti.

          Maria in cui tong cu a theih tikah a don a har ngaingai ih a tong mi ih ti can cu ziang a si pei tiah khuaruahhar in a um.  Cule Vancungmi in, “Mary, tih hlah! Pathian mithmai than a co a si. Fa na vun dingih Fapa na hring ding. A hmin ah Jesuh na sak ding. Mi maksak a si dingih Cungnungbik Pathian ih Fapa tiah kawh a si ding. A mah cu Bawipa Pathian ih a Pu David bangtuk in Siangpahrang ah a tuah dingih Jacob tesinfa pawl ih tlun ah kumkhua in Siangpahrang a si ding. A uknak cu a cem dah lo ding,” tiah a sim.

          Asinain, Maria in, “Kei cu Fala him ka si. Cu bangtuk cu ziangtin so a si thei ding?” tiah a ti. Vancungmi in, “Thlarau Thianghlim cu na hnenah a ra thleng dingih Cungnungbik ih cahnak huham cu na parah a um ding. Curuangah na hrin ding mi Fapa cu Pathian ih Fapa tiah kawh a si ding. Cu vek in nuking tiih kawh mi na sungkhat Elizabeth cu fa a vun ih a tu ah thlaruk a si zo. Ziangtin a si tile Pathian ih tuah thei lo mi zianghman a um lo,” tiah a ti.

          Mari in, “Kei cu Bawipa ih salnu ka si. Na sim vek cun ka par ah si ko seh,” tiah a ti. Cule Vancungmi cun a feh san.